ఐఐఐటి విద్యార్థులకు క్రమశిక్షణ హెచ్చరికలు జారీ
ఉమర్ ఖాలీద్ డాక్యుమెంటరీ వ్యవహారంపై
హైదరాబాద్ : హైదరాబాద్ లోని ఐఐఐటీ క్యాంపస్ ఇప్పుడు వార్తల్లోకి వచ్చింది. కులం, ప్రతిభ (మెరిట్) రాజకీయాలపై చర్చలను ప్రారంభించడానికి ప్రయత్నించిన ఒక స్వతంత్ర క్యాంపస్ వేదికతో సంబంధం ఉన్న ఎనిమిది మంది విద్యార్థులకు ‘ఇంటర్నేషనల్ ఇన్స్టిట్యూట్ ఆఫ్ ఇన్ఫర్మేషన్ టెక్నాలజీ-హైదరాబాద్’ క్రమశిక్షణా హెచ్చరికలు జారీ చేసింది. ఈ బృందానికి సంస్థ నుండి ఎటువంటి అనుమతి లేదని పేర్కొంది. ఈ అండర్ గ్రాడ్యుయేట్ విద్యార్థులు ‘నో టైరెంట్స్, నో సైలెన్స్’ అనే వేదికతో సంబంధం కలిగి ఉన్నారు. ఈ వేదిక సెప్టెంబర్ 18న జైలులో ఉన్న కార్యకర్త ఉమర్ ఖలీద్పై రూపొందించిన డాక్యుమెంటరీని క్యాంపస్లో ప్రదర్శించాలని ప్రతిపాదించింది, దీనిపై సెంట్రల్ బోర్డ్ ఆఫ్ ఫిల్మ్ సర్టిఫికేషన్ అభ్యంతరాలు వ్యక్తం చేసింది. ఆ తర్వాత ప్రదర్శన రద్దు చేయబడింది. |
ఐఐఐటీ -హైదరాబాద్ రిజిస్ట్రార్ ప్రొఫెసర్ కె.ఎస్. రాజన్ సంతకంతో 18న “తక్షణమే పాటించాల్సిన ఆదేశాలు , క్రమశిక్షణా హెచ్చరికల నోటీసు జారీ చేశారు. ఈ విషయంపై స్పందన కోరుతూ ప్రొఫెసర్ రాజన్కు చేసిన కాల్స్ , సందేశాలకు ఎటువంటి సమాధానం రాలేదు. పరిశీలించిన ఒక నోటీసులో, విద్యార్థులు ఎన్టీఎన్ఎస్ పేరుతో అనధికార సోషల్ మీడియా ఖాతాలు, ఆన్లైన్ పేజీలు, వెబ్సైట్ను” నిర్వహిస్తున్నారని, వాటిలో ఐఐఐటీ-హైదరాబాద్ పేరును ప్రముఖంగా ప్రదర్శించారని ఆరోపించారు. అలాగే, అంతర్గత సమావేశాల వివరాలను (మినిట్స్) ప్రచురించారని కూడా పేర్కొన్నారు. ఇవి అత్యంత గోప్యమైనవి , కేవలం అంతర్గత నిర్వహణ కోసం ఉద్దేశించినవి అని సంస్థ పేర్కొంది. ఎన్టీఎన్ఎస్ అనేది ఐఐఐటీ-హైదరాబాద్ పరిధిలో ఆమోదించబడిన లేదా గుర్తింపు పొందిన సంస్థ కాదని స్పష్టం చేశారు.
సంస్థ పేరు , బ్రాండ్ను అనధికారికంగా ఉపయోగించడం, అలాగే గోప్యమైన అంతర్గత సమావేశ వివరాలను ప్రచురించడం అనేది సంస్థ విధానాలు, విద్యార్థుల ప్రవర్తనా నియమావళి , గోప్యతా మార్గదర్శకాల తీవ్ర ఉల్లంఘన కిందకు వస్తుంది అని ఆ నోటీసు పేర్కొంది.
