సీజేపీ పోరాటం ఢిల్లీలో భ‌ద్ర‌త క‌ట్టుదిట్టం
23,000 మంది సీపీఎఫ్ సిబ్బంది మోహరింపు
న్యూఢిల్లీ : కేంద్ర ఎన్నికల ప్ర‌ధాన కమిష‌న‌ర్ జ్ఞానేష్ కుమార్ త‌క్ష‌ణ‌మే రాజీనామా చేయాల‌ని డిమాండ్ చేస్తూ కాక్రోచ్ జ‌న‌తా పార్టీ (సీజేపీ) చీఫ్ అభిజిత్ దిప్కే ఆందోళ‌న‌కు పిలుపునిచ్చారు . అక్టబ‌ర్ 10న ఆదివారం దేశ రాజ‌ధాని న్యూఢిల్లీకి భారీ ఎత్తున చేరుకుంటున్నారు మేధావులు, క‌ళాకారులు, సామాజిక కార్య‌క‌ర్త‌లు, జెన్ జీ యూత్ , భావ సారూప్య‌త క‌లిగిన వ్య‌క్తులు. దీంతో సీజేపీ నిరసన నేపథ్యంలో ఢిల్లీలో కట్టుదిట్టమైన భద్రతను ఏర్పాటు చేశారు. 23,000 మంది సీఏపీఎఫ్ సిబ్బంది మోహరించారు. ఇద‌లిఆ ఉండ‌గా అక్టోబర్ 8 నుండి 12 వరకు మోహరింపు కోసం కేంద్ర హోం మంత్రిత్వ శాఖ ఢిల్లీ పోలీసులకు 221 CAPF కంపెనీలను అందుబాటులో ఉంచింది. ఈ బలగాలలో 85 సీఆర్పీఎఫ్‌ కంపెనీలు, 10 ఎస్ఎస్ బీ కంపెనీలు, ఏడు ఐటీబీపీ కంపెనీలు, ఏడు రాపిడ్ యాక్షన్ ఫోర్స్ కంపెనీలు , ఒక సీఐఎస్ఎఫ్‌ కంపెనీ ఉన్నాయి. భద్రతా ఏర్పాట్ల కోసం ఇప్పటికే రంగంలోకి దిగాయి. ఢిల్లీ పోలీసు సిబ్బందికి అదనంగా ఈ సీఏపీఎఫ్ బలగాలను మోహరించారు.
ఢిల్లీ సరిహద్దుల వెంబడి కూడా భద్రతను పెంచారు; ఇక్కడ బహుళ అంచెల బారికేడింగ్ , కఠినమైన నిఘా ఏర్పాటు చేయనున్నారు. కంట్రోల్ రూమ్‌ల నుండి సీసీటీవీ పర్యవేక్షణతో పాటు, ముఖ గుర్తింపు (ఫేస్-రికగ్నిషన్) కెమెరాలను కూడా ఉపయోగించే అవకాశం ఉంది. రైల్వే స్టేషన్లు, బస్ టెర్మినల్స్ మరియు ఇతర కీలక ప్రాంతాలు నిఘా పరిధిలో ఉంటాయి. పరిస్థితిని బట్టి న్యూఢిల్లీ ప్రాంతంలోని మెట్రో స్టేషన్లు , మార్కెట్లను మూసివేయడంతో సహా రాకపోకలపై అధికారులు మరిన్ని ఆంక్షలు విధించవచ్చు.
ఎన్నికల ప్రక్రియలో అవకతవకలు జరిగాయన్న ఆరోపణలు , ఎన్నికల సంస్కరణల డిమాండ్‌తో CEC జ్ఞానేష్ కుమార్ రాజీనామా కోరుతూ జంతర్ మంతర్ వద్ద సీజేపీ నిరసన పిలుపునిచ్చిన నేపథ్యంలో ఈ భద్రతా ఏర్పాట్లు జరుగుతున్నాయి. అయితే ఈ ఆరోపణలను ఎన్నికల సంఘం , బీజేపీ ఖండించాయి.
అయితే జంతర్ మంతర్ వద్ద తలపెట్టిన నిరసనకు ఎటువంటి అనుమతి ఇవ్వలేదని ఢిల్లీ పోలీసులు అక్టోబర్ 8న స్పష్టం చేశారు. అనధికారిక సమావేశాల్లో పాల్గొనవద్దని ప్రజలకు విజ్ఞప్తి చేశారు. ఆ ప్రాంతంలో ఇప్పటికే నిషేధాజ్ఞలు అమల్లో ఉన్నాయి. ఆదివారం జరగబోయే నిరసన ప్రదర్శన గురించి సీజేపీ అధికారికంగా ఢిల్లీ పోలీసులకు సమాచారం అందించింది. ఈ నిరసన శాంతియుతంగా ఉంటుందని ఆ పార్టీ పేర్కొంది. ఎన్నికల సంస్కరణలకు సంబంధించిన తమ డిమాండ్లు పరిష్కరించబడే వరకు ఈ ఆందోళన కొనసాగుతుందని సీజేపీ ప్రతినిధి, సహ-కన్వీనర్ సౌరవ్ దాస్ ప్ర‌క‌టించారు.