TSPSC : గ్రూప్ -2 అభ్య‌ర్థుల‌కు బిగ్ షాక్
ప‌రీక్ష వాయిదా వేసిన టీఎస్పీఎస్సీ
TSPSC : హైద‌రాబాద్ – కేంద్ర ఎన్నిక‌ల సంఘం ఎన్నిక‌ల నిర్వ‌హ‌ణ‌కు సంబంధించి ఎన్నిక‌ల షెడ్యూల్ జారీ చేసింది. దీంతో తెలంగాణ రాష్ట్రంలో ఎన్నిక‌లు జ‌ర‌గ‌నున్నాయి. ఇందుకు గాను అక్టోబ‌ర్ 9 నుంచే ఎన్నిక‌ల కోడ్ అమ‌లులోకి వ‌చ్చింద‌ని స్ప‌ష్టం చేసింది ఈసీ.
TSPSC Updates
దీంతో రాష్ట్రంలో జ‌ర‌గాల్సిన గ్రూప్ -2 ప‌రీక్ష‌ను వాయిదా వేస్తున్న‌ట్లు ప్ర‌క‌టించింది తెలంగాణ ప‌బ్లిక్ స‌ర్వీస్ క‌మిష‌న్ (టీఎస్పీఎస్సీ) . ఈ మేర‌కు కీల‌క ప్ర‌క‌ట‌న చేసింది. ఎన్నిక‌ల కోడ్ ఉన్నందు వ‌ల్ల ప‌రీక్ష‌లు నిర్వ‌హించేందుకు వీలు కాద‌ని పేర్కొంది.
అభ్య‌ర్థులు గ‌మ‌నించాల‌ని, ప‌రీక్ష ఎప్పుడు నిర్వ‌హించేది త్వ‌ర‌లో తెలియ చేస్తామ‌ని స్ప‌ష్టం చేసింది. ఇదిలా ఉండ‌గా తెలంగాణ‌లో న‌వంబ‌ర్ 30న పోలింగ్ జ‌ర‌గ‌నుంది. డిసెంబ‌ర్ 3న ఫ‌లితాలు వెల్ల‌డి అవుతాయి.
ప‌రీక్ష నిర్వ‌హించాలంటే భారీ ఎత్తున అధికారుల స‌హ‌కారం అవ‌స‌రం అవుతుంది. ఈ త‌రుణంలో అన్ని శాఖ‌ల‌కు చెందిన సిబ్బంది, ఉద్యోగులంతా ఎన్నిక‌ల నిర్వ‌హ‌ణ‌లో బిజీగా ఉంటారు. దీంతో ప‌రీక్ష చేప‌ట్టేందుకు వీలు కుద‌ర‌ద‌ని టీఎస్పీస్సీ చైర్మ‌న్ జ‌నార్ద‌న్ రెడ్డి స్ప‌ష్టం చేశారు.
Also Read : Tirumala Rush : తిరుమ‌ల‌లో భ‌క్తుల జ‌న సందోహం