Mamata Banerjee : మొస‌ళ్లు..బెంగాల్ టైగ‌ర్ రెడీగా ఉంది – దీదీ
బెంగాల్ ను ముట్టుకునే ద‌మ్ము లేదు
Mamata Banerjee : టీఎంసీ చీఫ్‌, ప‌శ్చిమ బెంగాల్ సీఎం మ‌మ‌తా బెన‌ర్జీ సంచ‌ల‌న కామెంట్స్ చేశారు. ఆమె మ‌రోసారి కేంద్రంపై నిప్పులు చెరిగారు. కేంద్రంలో కొలువు తీరిన మోదీ ప్ర‌భుత్వం దేశంలో ప్ర‌జాస్వామికంగా ఎన్నికైన 9 రాష్ట్రాల‌ను కూల్చేసింది.
మ‌హారాష్ట్ర‌లో మ‌హా వికాస్ అఘాడీని కూల్చిన బీజేపీ త‌దుప‌రి టార్గెట్ గా జార్ఖండ్ , ప‌శ్చిమ బెంగాల్ మాత్ర‌మే ఉంద‌ని అంటోంది. దీనిపై తీవ్రంగా స్పందించారు మ‌మ‌తా బెన‌ర్జీ(Mamata Banerjee). బెంగాల్ ను ముట్టుకుంటే మాడి మసై పోతార‌ని హెచ్చ‌రించింది.
త‌న‌తో పెట్టుకున్న వారెవ‌రూ గెలిచిన దాఖ‌లాలు లేవ‌న్నారు. మ‌రాఠా త‌ర్వాత ఛ‌త్తీస్ గ‌ఢ్, జార్ఖండ్ , బెంగాల్ అంటున్నారు. ఇక్క‌డికి రావ‌డానికి ప్ర‌య‌త్నం చేయకండి. ఇప్ప‌టికే చాలాసార్లు ప్ర‌య‌త్నం చేశారు.
చేతులు కాల్చుకున్నారు. ముందుగా ఇక్క‌డికి రావాలంటే , అడుగు పెట్టాలంటే ముందు బంగాళా ఖాతం దాటాలి. అక్క‌డ మీరు వ‌చ్చే స‌రికి మొస‌ళ్లు సిద్దంగా ఉన్నాయి.
అవి మిమ్మ‌ల్ని కొరికేస్తాయి. జ‌ర జాగ్ర‌త్త అని హెచ్చ‌రించారు మ‌మ‌తా బెన‌ర్జీ. సుంద‌ర్ బ‌న్స్ లో రాయ‌ల్ బెంగాల్ టైగ‌ర్ రెడీగా ఉంది మీ ప్రాణాల్ని తీసేందుకు అని వార్నంగ్ ఇచ్చింది దీదీ(Mamata Banerjee).
ప్ర‌స్తుతం ఆమె చేసిన కామెంట్స్ క‌ల‌క‌లం రేపుతున్నాయి. అరెస్ట్ చేసిన త‌న మంత్రి పార్థ ఛ‌ట‌ర్జీని భువ‌నేశ్వ‌ర్ లోని ఎయిమ్స్ కి ఎందుకు తీసుకు వెళ్లారంటూ ప్రశ్నించారు.
బెంగాల్ ప్ర‌జ‌ల‌కు ఇది అవ‌మాన‌క‌ర‌మ‌ని ఆమె పేర్కొన్నారు. ఉత్త‌ర బెంగాల్ లో ఏనుగులు కూడా మిమ్మ‌ల్ని చంపేందుకు రెడీగా ఉన్నాయంటూ ఎద్దేవా చేశారు మ‌మ‌తా బెన‌ర్జీ.
Also Read : త‌ప్పు చేయ‌ను చేస్తే స‌హించ‌ను