Bimbisara Trailer : బింబిసార మూవీ ట్రైల‌ర్ రిలీజ్

Bimbisara Trailer : నంద‌మూరి న‌ట వార‌స‌త్వానికి ప్ర‌తీక‌గా నిలిచే కళ్యాణ్ రామ్ న‌టించిన సోషియో ఫాంట‌సీ మూవీ బింబిసార ట్రైల‌ర్(Bimbisara Trailer) బుధ‌వారం విడుద‌లైంది.

ఈ సినిమాపై నంద‌మూరి అభిమానులు ఎంతో ఆశ‌లు పెట్టుకున్నారు. చిత్రానికి సంబంధించి విడుద‌ల చేసిన సాంగ్స్ మంచి ఆద‌ర‌ణ చూరగొన్నాయి.

ప్ర‌ధానంగా సినీ గేయ ర‌చ‌యిత శ్రీ‌మ‌ణి రాసిన బింబిసార పాట మిలియ‌న్ల కొద్దీ వ్యూస్ అందుకుంటోంది. సోష‌ల్ మీడియాలో సంచ‌ల‌నం రేపుతోంది.

కాల‌భైర‌వ పాడిన ఈ సాంగ్ ఇప్పుడు నెట్టింట్లో ట్రెండింగ్ లో కొన‌సాగుతోంది. నంద‌మూరి తార‌క రామారావు ఆర్ట్స్ పతాకంపై వ‌శిష్ట్ ద‌ర్శ‌క‌త్వం వ‌హించిన ఈ చిత్రం మ‌రింత రిచ్ గా ఉంది.

బింబిసార చిత్రాన్ని కె. హ‌రికృష్ణ నిర్మించారు. వ‌చ్చే ఆగ‌స్టు 5న బింబిసార సినిమాను విడుద‌ల చేయాల‌ని నిర్ణ‌యించారు మూవీ మేక‌ర్స్.

తాజాగా ప్ర‌ముఖ న‌టుడు , నంద‌మూరి న‌ట వార‌సుడు జూనియ‌ర్ ఎన్టీఆర్ త‌న సోద‌రుడు క‌ళ్యాణ్ రామ్ ప్ర‌తిష్టాత్మ‌కంగా న‌టించిన బింబిసార సినిమా ట్రైల‌ర్ ను విడుద‌ల చేశాడు.

శ‌ర‌ణు కోరితే ప్రాణ‌భిక్ష..ఎదిరిస్తే మ‌ర‌ణం త‌ప్ప‌ద‌న్న డైలాగ్ తో ట్రైల‌ర్ అదిరింది. నాడైనా నేడైనా త్రిగ‌ర్త‌ల చ‌రిత్ర‌ను తాకాలంటే ఈ బింబిసారుడి క‌త్తిని దాటాల్సి ఉంటుంద‌న్న మాట‌లు పేలాయి. గుండెల్ని హ‌త్తుకునేలా ఉన్నాయి.

ఇదిలా ఉండ‌గా నంద‌మూరి 100వ జ‌యంతి సంద‌ర్భంగా ఈ సినిమాను అంకితం ఇస్తున్న‌ట్లు ప్ర‌క‌టించాడు క‌ళ్యాణ్ రామ్.

కాగా ఈ సోషియో ఫాంట‌సీ మూవీ త‌ప్ప‌క విజ‌యం సాధిస్తుంద‌న్న న‌మ్మ‌కాన్ని వ్య‌క్తం చేశాడు జూనియ‌ర్ ఎన్టీఆర్.

Also Read : చంద్ర‌బాబుతో మోహ‌న్ బాబు భేటీ