CWG 2022 BAR vs PAKW : పాకిస్తాన్ కు షాకిచ్చిన బార్బడోస్

CWG 2022 BAR vs PAKW :  ఇంగ్లండ్ లోని బ‌ర్మింగ్ హోమ్ వేదిక‌గా జ‌రుగుతున్న కామన్వెల్త్ గేమ్స్ -2022(CWG 2022) లో మొద‌టిసారిగా నిర్వ‌హిస్తున్న మ‌హిళ‌ల క్రికెట్ ఈవెంట్ లో పాకిస్తాన్ మ‌హిళా జ‌ట్టుకు(BAR vs PAKW) కోలుకోలేని షాక్ త‌గిలింది.

గ్రూప్ లో భాగంగా పాకిస్తాన్ తో బార్బ‌డోస్ మ‌ధ్య జ‌రిగిన మ్యాచ్ లో ఉత్కంఠ భ‌రిత విజ‌యాన్ని న‌మోదు చేసింది. జూలై 29న జ‌రిగిన తొలి మ్యాచ్ లో ఆస్ట్రేలియా భార‌త జ‌ట్టును ఓడించింది.

ఇక ఇవాళ జ‌రిగిన కీల‌క మ్యాచ్ లో బార్బ‌డోస్ 15 ర‌న్స్ తేడాతో పాకిస్తాన్ ను బోల్తా కొట్టించింది. ఇక మ్యాచ్ ప‌రంగా చూస్తే ఎడ్జ్ బాస్ట‌న్ వేదిక‌గా జ‌రిగింది. పాకిస్తాన్ స్కిప్ప‌ర్ టాస్ గెలిచి బార్బ‌డోస్ ను బ్యాటింగ్ చేయ‌మ‌ని కోరింది.

నిర్ణీత 20 ఓవ‌ర్ల‌లో 4 వికెట్లు కోల్పోయి 134 ర‌న్స్ చేసింది. ఆ జ‌ట్టుకు చెందిన వికెట్ కీప‌ర్ 56 బంతులు ఆడి దుమ్ము రేపింది. 9 ఫోర్ల‌తో 62 ప‌రుగులు చేసి నాటౌట్ గా నిలిచింది.

కెప్టెన్ హేలీ మాథ్యూస్ 50 బంతులు ఆడి 51 ర‌న్స్ చేసింది ఒక సిక్స్ నాలుగు ఫోర్లు కొట్టింది. అనంత‌రం 115 ప‌రుగుల ల‌క్ష్యంతో బ‌రిలోకి దిగింది పాకిస్తాన్ జ‌ట్టు.

నిర్ణీత 20 ఓవ‌ర్ల‌లో 6 వికెట్లు కోల్పోయి 129 ప‌రుగులు మాత్ర‌మే చేసింది. పాక్ జ‌ట్టులో నిదా దార్ సూప‌ర్ గా ఆడినా ఫ‌లితం లేక పోయింది. 31 బంతులు ఆడి హాఫ్ సెంచ‌రీ చేసింది.

ఇందులో 7 ఫోర్లు ఒక సిక్స‌ర్ ఉంది. కానీ మిగ‌తా బ్యాట‌ర్లు ఆశించిన రీతిలో స‌హ‌క‌రించ లేదు. దీంతో ఓట‌మి త‌ప్ప లేదు పాకిస్తాన్ జ‌ట్టుకు.

Also Read : మైదానంలోకి దిగ‌నున్న ‘బెంగాల్ టైగ‌ర్’