Bhuvneshwar Kumar Azam : ‘భువీ’ బాల్ కు బాబ‌ర్ ప‌రేషాన్
బిత్త‌ర పోయిన పాక్ కెప్టెన్
Bhuvneshwar Kumar Azam : క్రికెట్ అంటేనే బంతికీ బ్యాట్ కూ మ‌ధ్య పోరాటం. నువ్వా నేనా అన్న రీతిలో సాగింది దాయాదులైన భార‌త్, పాకిస్తాన్ జ‌ట్ల మ‌ధ్య మ్యాచ్. ఆసియా క‌ప్ 2022 మెగా టోర్నీలో (Asia cup 2022 ) భాగంగా జ‌రిగిన కీల‌క పోరులో చివ‌రి బంతి దాకా ఎవ‌రు గెలుస్తారో చెప్ప‌లేని ప‌రిస్థితి.
ఈ త‌రుణంలో ముందుగా బ్యాటింగ్ కు దిగింది పాకిస్తాన్ జ‌ట్టు. గ‌త కొంత కాలంగా వ‌ర‌ల్డ్ లో మోస్ట్ డేంజ‌రస్ బ్యాట‌ర్ గా ఎదిగాడు పాక్ కెప్టెన్ బాబ‌ర్ ఆజ‌మ్(Babar Azam). ఐసీసీ ర్యాంకింగ్స్ లో టాప్ లో ఉన్నాడు.
అంతే కాదు మూడు ఫార్మాట్ లలో స‌త్తా చాటుతూ త‌న‌కు ఎదురే లేని రీతిలో కొన‌సాగుతూ వ‌స్తున్నాడు. ఇక మ్యాచ్ ప‌రంగా ఓపెనింగ్ కు వ‌చ్చిన బాబ‌ర్ ఆజం భార‌త బౌల‌ర్ భువ‌నేశ్వ‌ర్ కుమార్(Bhuvneshwar Kumar) బౌలింగ్ లో అనూహ్యంగా ఔట్ అయ్యాడు.
అప్ప‌టి దాకా స్టేడియం అంతా ద‌ద్ద‌రిల్లుతోంది. ఈ త‌రుణంలో షార్ట్ పిచ్ బాల్ వేయ‌డంతో దానిని బ‌లంగా కొట్టాడు. కానీ క్యాచ్ గా వెళ్లింది. ఇంకేం పెవిలియ‌న్ బాట పట్టాడు.
ప్ర‌స్తుతం ఈ షార్ట్ పిచ్ బాల్ నెట్టింట్లో వైర‌ల్ అవుతోంది. స్టార్ బ్యాట‌ర్ ను త‌న క‌ళ్లు చెదిరే బాల్ తో విస్తు పోయేలా చేశాడు భువ‌నేశ్వ‌ర్ కుమార్. ప్ర‌స్తుతం హాట్ టాపిక్ గా మారాడు.
వ‌చ్చీ రావ‌డంతోనే త‌న స్పెషల్ షాట్స్ తో ఆక‌ట్టుకున్నాడు. కానీ త‌ర్వాత అద్భుత‌మైన స్పెల్ కు చిక్కాడు. త‌న‌కే అర్థం కాలేదు. బంతిని ఎలా ఆడాన‌ని. అద్భుత‌మైన బౌన్స‌ర్ తో బోల్తా కొట్టించాడు భువీ.
Also Read : హార్దిక్ పాండ్యా ఆల్ రౌండ్ షో