David Warner Ganesha : గ‌ణేషా..వార్న‌ర్ భయ్యా వారెవ్వా
మ‌న‌సు దోచుకున్న ఆసిస్ క్రికెట‌ర్
David Warner Ganesha : ప్ర‌పంచ క్రికెట్ లో మోస్ట్ పాపుల‌ర్ క్రికెట‌ర్ గా పేరొందాడు ఆస్ట్రేలియాకు చెందిన బ్యాట‌ర్ డేవిడ్ వార్న‌ర్(David Warner). అత‌డికి ఇండియాతో ఎన‌లేని బంధం ఉంది.
ఎప్పుడైతే ఐపీఎల్ లో ఎంట్రీ ఇచ్చాడో ఆనాటి నుంచి భార‌తీయుడిగా మారి పోయాడు. స్వ‌స్థ‌లం ఆసిస్ అయినా తన బాడీ, ఆలోచ‌న‌లు, ఫ్యామిలీ అంతా క్రికెట్ ను ఎక్కువ‌గా ఆరాధించే భార‌త్ అంటే వ‌ల్ల‌మాలిన అభిమానం.
ప్ర‌ధానంగా స‌న్ రైజ‌ర్స్ హైద‌రాబాద్ కు ప్రాతినిధ్యం వ‌హించాడు. కెప్టెన్ గా కూడా ఉన్నాడు. ఆ జ‌ట్టుకు ఐపీఎల్ క‌ప్ అందించాడు. అనుకోకుండా నిష్క్ర‌మించాడు.
మ‌ళ్లీ దెబ్బ తిన్న పులిలా ఫామ్ లోకి వ‌చ్చాడు. తానేమిటో నిరూపించుకున్నాడు. యూఏఈ వేదిక‌గా జ‌రిగిన టి20 వ‌ర‌ల్డ్ క‌ప్ ను ఏకంగా ఆసిస్ కు అందించాడు.
వారెవ్వా అనిపించుకున్నాడు. మ‌నోడికి టాలీవుడ్ సినిమాలు, డైలాగ్ లు, పాట‌లు అంటే తెగ ఇష్టం. ఇక ఇత‌ర క్రికెట‌ర్ల మాటేమిటో కానీ వార్న‌ర్ మోస్ట్ పాపుల‌ర్ సోష‌ల్ మీడియాలో. వేలాది మంది అనుచ‌రులు, ఫ్యాన్స్ క‌లిగి ఉన్నాడు వార్న‌ర్.
త‌న‌కు న‌చ్చిందంటే చాలు పోస్ట్ షేర్ చేస్తూ వ‌స్తుంటాడు. తాజాగా భార‌తీయులు ఎక్కువ‌గా ఆరాధించే పండుగ వినాయ‌క చ‌వితి. గ‌ణేషుడి పండ‌గ(David Warner Ganesha) కావ‌డంతో అద్భుత‌మైన ఫోటోతో షేర్ చేశాడు.
ప్ర‌స్తుతం ఇది హ‌ల్ చ‌ల్ చేస్తోంది. నెట్టింట్లో వైర‌ల్ గా మారింది. పైన వినాయ‌కుడు ఉండ‌గా వార్న‌ర్ మొక్కుతున్న‌ట్లు ఉంది. ఇప్పుడు దేశ వ్యాప్తంగా చ‌ర్చ‌కు దారి తీసింది. వార్న‌ర్ భయ్యా నీకు స‌లాం అంటున్నారు అభిమానులు.
Also Read : హాంకాంగ్ పై భార‌త్ అల‌వోక విజ‌యం