Jacqueline Fernandez : జాక్వెలిన్ పై ఈడీ షాకింగ్ కామెంట్స్
జాక్వెలిన్ కు చంద్ర‌శేఖ‌ర్ గురించి తెలుసు
Jacqueline Fernandez : ప్ర‌ముఖ బాలీవుడ్ న‌టి జాక్వెలిన్ ఫెర్నాండెజ్(Jacqueline Fernandez) కేసుకు సంబంధించి షాకింగ్ కామెంట్స్ చేసింది ఎన్‌ఫోర్స్‌మెంట్ డైరెక్టరేట్. ఇప్ప‌టికే కేసు న‌మోదు చేసింది. ఈ మేర‌కు ద‌ర్యాప్తు చేప‌ట్టింది.
ఆమెకు తెలిసీ అంతా జ‌రిగింద‌ని పేర్కొంది. జాక్వెలిన్ కు నిందితుడు సుఖేష్ చంద్ర‌శేఖ‌ర్ నేర చ‌రిత్ర గురించి పూర్తిగా తెలునంటూ స్ప‌ష్టం చేసింది.
అంతే కాదు అత‌డికి వివాహం జ‌రిగింద‌ని కూడా ఆమెకు తెలుస‌ని, అంతా నాట‌కం ఆడుతోందంటూ మండిప‌డింది ఈడీ. జాక్వెలిన్ ఫెర్నాండెజ్ సుఖేష్ చంద్ర‌శేఖ‌ర్ నుండి వివిధ బ‌హుమ‌తులు తీసుకుంద‌ని ఆరోపించింది.
కోట్లాది రూపాయల మ‌నీ లాండ‌రింగ్ కేసులో ద‌ర్యాప్తు పుంచి బ‌య‌ట ప‌డేందుకు త‌ప్పుడు ప్ర‌చారం చేస్తోంద‌ని జాక్వెలిన్ ఫెర్నాండెజ్ పై మండిప‌డింది.
ఆమెకు తెలుస‌న్న విష‌యంపై తాము క్లారిటీ ఉన్నామ‌ని, దానికి త‌గ్గట్టు ఆధారాలు ఉన్నాయ‌ని వెల్ల‌డించింది. చంద్ర‌శేఖ‌ర్ సుఖేష్ కేసుల గురించి త‌న‌కు ఎప్ప‌టికీ తెలియ‌ద‌ని ఫెర్నాండెజ్(Jacqueline Fernandez) చెప్ప‌డం త‌మ‌కు ఏమీ ఆశ్చ‌ర్యం క‌లిగించ లేద‌ని పేర్కొంది.
చంద్ర‌శేఖ‌ర్ భార్య, జాక్వెలిన్ అంతా ఒక్క‌టేన‌ని వీరంతా క‌లిసి క‌థ‌లు అల్లారంటూ ఆగ్ర‌హం వ్య‌క్తం చేసింది. 2021 ఫిబ్ర‌వ‌రిలో చంద్ర‌శేఖ‌ర్ గుర్తింపు, నేర చ‌రిత్ర గురించి హెయిర్ స్టైలిస్ట్ షాన్ తెలియ చేశాడ‌ని స్ప‌ష్టం చేసింది.
నేర చ‌రిత్ర గురించి తెలుసు. సుఖేష్ తో సంబంధాన్ని కొన‌సాగిస్తూ వ‌చ్చారు. ఆర్థిక ప్ర‌యోజ‌నాల‌ను కూడా పొందారని ఈడీ పేర్కొంది.
ఇదిలా ఉండ‌గా కేంద్ర ద‌ర్యాప్తు సంస్థ చేసిన వ్యాఖ్య‌లు క‌ల‌క‌లం రేపుతున్నాయి. ఆమె అరెస్ట్ త‌ప్ప‌ద‌ని గుస‌గుస‌లు వినిపిస్తున్నాయి.
Also Read : ఘ‌నంగా ఫిల్మ్ ఫేర్ అవార్డుల ప్ర‌దానం