IND vs HK Asia Cup 2022 : హాంకాంగ్ పై భార‌త్ అల‌వోక విజ‌యం

IND vs HK Asia Cup 2022 : యూఏఈ వేదిక‌గా జ‌రుగుతున్న ఆసియా క‌ప్ -2022 లో భార‌త జ‌ట్టు హాంకాంగ్ పై(IND vs HK Asia Cup 2022) విజ‌యం సాధించింది. మొద‌ట బ్యాటింగ్ చేసిన భార‌త జ‌ట్టు నిర్ణీత 20 ఓవ‌ర్ల‌లో 2 వికెట్లు కోల్పోయి 192 ర‌న్స్ చేసింది.

గ‌త కొంత కాలంగా ఫామ్ లేమితో నానా తంటాలు ప‌డుతున్న విరాట్ కోహ్లీ(Virat Kohli) ఎట్ట‌కేల‌కు రాణించాడు. 44 బంతులు ఆడి 59 ప‌రుగులు చేసి నాటౌట్ గా నిలిచాడు. ఇందులో ఒక ఫోర్ 3 సిక్స‌ర్లు ఉన్నాయి.

ఇక సూర్య కుమార్ యాద‌వ్ ఆకాశ‌మే హ‌ద్దుగా చెల‌రేగాడు. ఊర మాస్ ఇన్నింగ్స్ ను త‌ల‌పింప చేశాడు. శివ‌మెత్తిన‌ట్లు ఆడాడు. హాంకాంగ్ బౌల‌ర్ల‌కు చుక్క‌లు చూపించాడు.

కేవ‌లం 26 బంతులు మాత్ర‌మే ఎదుర్కొన్న సూర్య భాయ్ 6 ఫోర్లు 6 సిక్స‌ర్లు కొట్టాడు. 68 ప‌రుగులు చేసి నాటౌట్ గా నిలిచాడు. ఫోర్లు, సిక్స‌ర్ల‌తో క‌లిపి 60 ప‌రుగులు రావ‌డం విశేషం.

దీంతో 40 ప‌రుగుల తేడాతో విక్ట‌రీ సాధించింది టీమిండియా. ఇక కెప్టెన్ రోహిత్ శ‌ర్మ(Rohit Sharma) 21 ప‌రుగులు చేశాడు. కేఎల్ రాహుల్ 36 ప‌రుగులు చేసి ప‌ర్వాలేద‌ని అనిపించాడు.

అనంత‌రం బ‌రిలోకి దిగిన హాంకాంగ్ చివ‌రి వ‌ర‌కు పోరాడింది. ఆ జ‌ట్టు అనుభ‌వం లేనిద‌ని పేరొందినా భార‌త జ‌ట్టు బౌల‌ర్ల‌ను ధాటిగా ఎదుర్కొన్నారు హాంకాంగ్ బ్యాట‌ర్లు. 5 వికెట్లు కోల్పోయి నిర్ణీత 20 ఓవ‌ర్ల‌లో 152 ప‌రుగులు చేశారు.

భువ‌నేశ్వ‌ర్ కుమార్, అర్ష్ దీప్ , ర‌వీంద్ర జ‌డేజా, ఆవేశ్ ఖాన్ చెరో వికెట్ తీశారు. ఇక ప్ర‌త్య‌ర్థి జ‌ట్టులో బాబ‌ర్ హ‌యాత్ టాప్ స్కోరర్ గా నిలిచాడు. 41 ర‌న్స్ చేశాడు.

Also Read : గ‌ణేషా..వార్న‌ర్ భయ్యా వారెవ్వా