Team India T20 Squad : టీమిండియా టి20 టీమ్ డిక్లేర్

Team India T20 Squad : ద‌క్షిణాఫ్రికాతో ఆడే మూడు టి20ల సీరీస్ కు భార‌త జ‌ట్టును(Team India T20 Squad) ప్ర‌క‌టించింది భార‌త క్రికెట్ నియంత్ర‌ణ మండ‌లి (బీసీసీఐ). కొత్త‌గా జ‌ట్టులోకి శ్రేయాస్ అయ్య‌ర్, షాబాజ్ అహ్మ‌ద్, ఉమేష్ యాద‌వ్ ల‌ను తీసుకుంది. అయితే వెన్ను నొప్పి కార‌ణంగా దీప‌క్ హూడాను ఎంపిక చేయ‌లేద‌ని బీసీసీఐ వెల్లడించింది.

బుధ‌వారం అధికారిక ప్ర‌క‌ట‌న చేసింది. హార్దిక్ పాండ్యా, భువ‌నేశ్వ‌ర్ కుమార్ ఎన్సీఏకి నివేదించారు. అర్ష్ దీప్ సింగ్ తిరువ‌నంతపురం లోని జ‌ట్టులో లింక్ అయ్యాడ‌ని బీసీసీఐ తెలిపింది. కాగా పేస‌ర్ మ‌హ్మ‌ద్ ష‌మీ ఇంకా క‌రోనా నుంచి పూర్తిగా కోలుకోలేద‌ని వెల్ల‌డించింది. ఆల్ ఇండియా సీనియ‌ర్ సెలక్ష‌న్ క‌మిటీ ష‌మీ స్థానంలో ఉమేష్ యాదవ్ ను భ‌ర్తీ చేసింది.

కొత్త‌గా అయ్య‌ర్ కు ఛాన్స్ ఇచ్చింది. హూడా బ‌దులు ష‌హ‌బాజ్ అహ్మ‌ద్ ను టి20 జ‌ట్టులోకి(Team India T20 Squad) చేర్చింది బీసీసీఐ. మొద‌టి మ్యాచ్ కేర‌ళ‌ల‌లో జ‌ర‌గ‌నుంది. ఇప్ప‌టికే ఏర్పాట్లు పూర్త‌య్యాయి. వ‌చ్చే నెల అక్టోబ‌ర్ లో ఆస్ట్రేలియా వేదిక‌గా టి20 వ‌ర‌ల్డ్ క‌ప్ జ‌ర‌గ‌నుంది. ఇదిలా ఉండ‌గా భార‌త జ‌ట్టుకు సంబంధించి సౌతాఫ్రికాతో సీరీస్ స‌న్నాహ‌కంగా భావిస్తోంది.

ఇక బీసీసీఐ ప్ర‌క‌టించిన జ‌ట్టు ఇలా ఉంది. రోహిత్ శ‌ర్మ కెప్టెన్, కేఎల్ రాహుల్ వైస్ కెప్టెన్. కోహ్లీ, సూర్య కుమార్ యాద‌వ్ , రిష‌బ్ పంత్ , దినేష్ కార్తీక్ , ర‌విచంద్ర‌న్ అశ్విన్ , యుజ్వేంద్ర చాహ‌ల్ , అక్ష‌ర్ ప‌టేల్ , అర్ష్ దీప్ సింగ్ , హ‌ర్ష‌ల్ ప‌టేల్ , దీప‌క్ చాహ‌ర్ , బుమ్రా, ఉమేష్ యాద‌వ్, అయ్య‌ర్, షాబాజ్ అహ్మ‌ద్ ఉన్నారు.

Also Read : సంజూ శాంస‌న్ అద్భుత ఆట‌గాడు