India Squad vs SA ODI : శాంస‌న్ కు షాక్ ధావ‌న్ కు ఛాన్స్
మ‌రోసారి సెలెక్ట‌ర్ల నిర్వాకంపై ఫైర్
India Squad vs SA ODI : భార‌త క్రికెట్ నియంత్ర‌ణ మండ‌లి (బీసీసీఐ) సెలెక్ష‌న్ క‌మిటీ ఏం చేస్తుందో ఎవ‌రికీ అర్థం కావ‌డం లేదు. నిన్న‌టి దాకా సంజూ శాంస‌న్ కు కెప్టెన్సీ ప‌గ్గాలు అప్ప‌గించింది. తాజాగా అత‌డి స్థానంలో శిఖ‌ర్ ధావ‌న్ ను నియ‌మించింది. పోనీ వైస్ కెప్టెన్సీగా కూడా ఇవ్వ‌లేదు. అత‌డి స్థానంలో శ్రేయాస్ అయ్య‌ర్ కు అవ‌కాశం ఇచ్చింది.
సౌతాఫ్రికాతో జ‌రిగే భార‌త జ‌ట్టుకు(India Squad vs SA ODI) సంబంధించి తుది జ‌ట్టును ప్ర‌క‌టించింది. మూడు మ్యాచ్ ల సీరీస్ కు వ‌న్డే జ‌ట్టును ప్ర‌క‌టించింది. వెట‌రన్ క్రికెట‌ర్ శిఖ‌ర్ ధావ‌న్ జ‌ట్టుకు నాయ‌క‌త్వం వ‌హిస్తాడు. రుతురాజ్ గైక్వాడ్ , శుభ్ మ‌న్ గిల్ , సంజూ శాంస‌న్ , రాహుల్ త్రిపాఠి, ఇషాన్ కిష‌న్ ల‌కు కూడా జ‌ట్ట‌లో చోటు ద‌క్కింది.
ఇక మొద‌టిసారిగా ముఖేష్ కుమార్ , రజత్ పాటిదార్ కూడా టీమ్ ఇండియా జ‌ట్టులోకి వ‌చ్చారు. అవేష్ ఖాన్ , మ‌హ్మ‌ద్ సిరాజ్ , దీప‌క్ చాహ‌ర్ కూడా ఎంపిక చేసింది బీసీసీఐ. వీరితో పాటు ర‌వి బిష్ణోయ్ , కుల్దీప్ యాద‌వ్ , శార్దూల్ ఠాకూర్ కూడా జ‌ట్టులోకి వ‌చ్చారు.
ఇక సౌతాఫ్రికాతో మూడు వ‌న్డే మ్యాచ్ లు జ‌ర‌గ‌నున్నాయి. మొద‌టి మ్యాచ్ అక్టోబ‌ర్ 6న, రెండో వ‌న్డే 9, మూడ‌వ వ‌న్డే మ్యాచ్ అక్టోబ‌ర్ 11న జ‌ర‌గ‌నుంది. ఇక జ‌ట్టు ప‌రంగా చూస్తే ఇలా ఉంది.
శిఖ‌ర్ ధావ‌న్ కెప్టెన్ కాగా రుతురాజ్ గైక్వాడ్ , శుభ్ మ‌న్ గిల్ , శ్రేయ‌స్ అయ్య‌ర్ – వైస్ కెప్టెన్ , రజత్ పాటిదార్ , రాహుల్ త్రిపాఠి, ఇషాన్ కిష‌న్ , సంజూ శాంస‌న్ , షాబాజ్ అహ్మ‌ద్ , షార్దూల్ ఠాకూర్ , కుల్దీప్ యాద‌వ్ , ర‌వి బిష్ణోయ్ , ముఖేష్ కుమార్ , అవేశ్ ఖాన్ , సిరాజ్, చాహ‌ర్ ఉన్నారు.
Also Read : వారెవ్వా డేవిడ్ మిల్ల‌ర్ కిల్ల‌ర్