Team India Loss : స్టార్లున్నా అంద‌ని స‌క్సెస్

Team India Loss : వ‌ర‌ల్డ్ క్రికెట్ లో టాప్ ప్లేయ‌ర్లు క‌లిగిన భార‌త జ‌ట్టులో ఇప్పుడు ఏం జ‌రుగుతుందో ఎవ‌రూ చెప్ప‌లేక పోతున్నారు. ఎప్పుడు గెలుస్తారో ఇంకెప్పుడు ఓడి పోతారో తెలియ‌డం లేదు. ఇప్ప‌టికే భార‌త క్రికెట్ కంట్రోల్ బోర్డు (బీసీసీఐ)లో ఒక్క బిన్నీ త‌ప్పా ఎవ‌రూ క్రికెట్ ఆడిన వాళ్లు లేరు.

ఇక సెలెక్ష‌న్ క‌మిటీ వ్య‌వ‌హారం తీవ్ర విమ‌ర్శ‌ల‌కు దారి తీసింది. చివ‌ర‌కు చేత‌న్ శ‌ర్మ నేతృత్వంలోని క‌మిటీని పూర్తిగా ర‌ద్దు చేశారు. కొత్త క‌మిటీ కోసం ద‌ర‌ఖాస్తులు స్వీక‌రించారు. కానీ ఇప్ప‌టి వ‌ర‌కు సంపూర్ణ‌మైన జ‌ట్టును ఎంపిక చేయ‌లేక పోతోంది బీసీసీఐ. దీని వెనుక రాజ‌కీయాలు, మ‌నీ ప్ర‌భావం ఉంద‌న్న ఆరోప‌ణ‌లు లేక పోలేదు.

తాజాగా బంగ్లా టూర్ లో భాగంగా జ‌రిగిన మొద‌టి వ‌న్డే మ్యాచ్ లో బౌల‌ర్లు చేతులెత్తేశారు. ఆఖ‌రి వికెట్ ను తీయ‌లేక పోయారు. చెత్త ఫీల్డింగ్ తో నిరాశ ప‌రిచారు(Team India Loss). ఇండియ‌న్ ప్రిమీయ‌ర్ లీగ్ లో స‌త్తా చాటుతున్నారే త‌ప్పా అంత‌ర్జాతీయ మ్యాచ్ ల‌లో చేతులెత్తేస్తున్నార‌న్న ఆరోప‌ణ‌లు ఉన్నాయి.

ఇక మ‌నోళ్ల‌కు ఆట కంటే ఆదాయం పైనే ఎక్కువ ఫోక‌స్ పెడుతున్నారంటూ నెటిజ‌న్లు, క్రికెట్ అభిమానులు ఆరోపిస్తున్నారు. ఇదిలా ఉండ‌గా ఈ ఏడాది 2022లో భార‌త జ‌ట్టుకు చెప్పు కోద‌గిన విజ‌యాలు లేవు. ఇప్ప‌టి వ‌ర‌కు టీమిండియా 3 టెస్టులు, 7 వ‌న్డేలు , 10 టి20 ఇంట‌ర్నేష‌న‌ల్ మ్యాచ్ ల‌లో ఓట‌మి పాలైంది.

గ‌త ఏడాది దుబాయ్ లో జ‌రిగిన టి20 టోర్నీలో పాకిస్తాన్ తో 10 వికెట్ల తేడాతో ప‌రాజయం మూట‌గ‌ట్టుకుంది. ఇక 2022లో ఆస్ట్రేలియాలో జ‌రిగిన ఐసీసీ టోర్నీలో 10 వికెట్ల తేడాతో సెమీస్ లో ఇంగ్లండ్ చేతిలో ఓట‌మి పాలైంది.

Also Read : అబ్బా మెహిది మిరాజ్ దెబ్బ‌