Dimple Yadav : ఎంపీగా డింపుల్ యాద‌వ్ ప్ర‌మాణ స్వీకారం
కొలువు తీరిన స‌మాజ్ వాదీ పార్టీ ఎంపీ
Dimple Yadav : లోక‌స‌భ స‌భ్యురాలిగా స‌మాజ్ వాదీ పార్టీకి చెందిన డింపుల్ యాద‌వ్(Dimple Yadav) సోమ‌వారం ప్ర‌మాణ స్వీకారం చేశారు. ప్ర‌మాణ స్వీకారం చేసిన వెంట‌నే ఆమె అంద‌రినీ విస్తు పోయేలా చేశారు. ప్ర‌తిప‌క్ష బెంచీల్లో ముందు వ‌రుస‌లో కూర్చున్న కాంగ్రెస్ పార్టీ మాజీ చీఫ్ సోనియా గాంధీ పాదాల‌కు న‌మ‌స్క‌రించారు.
దీంతో ఒక్క‌సారిగా స‌భ్యులంతా ఆశ్చ‌ర్యానికి లోన‌య్యారు. పెద్ద‌ల ప‌ట్ల త‌న‌కు ఉన్న గౌర‌వాన్ని ఈ సంద‌ర్బంగా చాటుకున్నారు డింపుల్ యాద‌వ్. ఆమె మోస్ట్ చ‌రిష్మా క‌లిగిన నాయ‌కురాలిగా గుర్తింపు పొందారు. స‌మాజ్ వాదీ పార్టీ చీఫ్, మాజీ సీఎం అఖిలేష్ యాద‌వ్ కు భార్య‌గా ఉన్నారు.
ఆమె తాజాగా యూపీలోని మోయిన్ పురి లోక్ స‌భ స్థానం నుంచి రికార్డు స్థాయిలో భారీ మెజారిటీ సాధించి ఘ‌న విజ‌యం సాధించారు. ఇది ఓ రికార్డు. ఇటీవ‌లే స‌మాజ్ వాదీ పార్టీ ఫౌండ‌ర్ , మాజీ సీఎం ములాయం సింగ్ యాద‌వ్ మ‌ర‌ణించారు. దీంతో ఇక్క‌డి లోక్ స‌భ స్థానానికి ఖాళీ ఏర్ప‌డింది.
ఉప ఎన్నిక‌ల్లో గ్రాండ్ విక్ట‌రీ సాధించారు డింపుల్ యాద‌వ్(Dimple Yadav) . ఇవాళ ఆమె లోక్ స‌భ‌లో ఎంపీగా ప్ర‌మాణ స్వీకారం చేశారు. ఈ సంద‌ర్భంగా డింపుల్ యాద‌వ్ ను ప‌లువురు ఎంపీలు అభినందించారు. ఇదిలా ఉండ‌గా ఆమె ప్ర‌మాణ స్వీకారం చేస్తుండ‌గా భ‌ర్త అఖిలేష్ యాద‌వ్ సంద‌ర్శ‌కుల గ్యాల‌రీలో కూర్చున్నారు.
కాగా డింపుల్ యాద‌వ్ హిందీలో ప్ర‌మాణ స్వీకారం చేశారు. అంత‌కు ముందు ఆమె కీల‌క వ్యాఖ్య‌లు చేశారు. త‌న విజ‌యానికి స‌హ‌క‌రించిన ప్ర‌తి ఒక్క‌రికీ, ఓటు వేసిన వారంద‌రికీ ఈ విజ‌యాన్ని అంకితం చేస్తున్నాన‌ని చెప్పారు.
Also Read : శ‌శి థ‌రూర్ పార్టీకి బ‌ల‌మైన ఆస్తి – సుధాక‌ర‌న్