Gautam Gambhir KL Rahul : రాహుల్ ఆడితే ఓకే లేదంటే క‌ష్టం

Gautam Gambhir KL Rahul : స్టార్ క్రికెట‌ర్ కేఎల్ రాహుల్(KL Rahul) పై సంచ‌ల‌న కామెంట్స్ చేశారు భార‌త మాజీ క్రికెట‌ర్ , బీజేపీ ఎంపీ గౌత‌మ్ గంభీర్. ఇక‌నైనా ఫోక‌స్ పెట్టాల‌ని లేక పోతే ఇంకొక‌రు త‌న స్థానాన్ని భర్తీ చేస్తారంటూ ప‌రోక్షంగా హెచ్చ‌రించాడు. ఈ విష‌యంలో గ‌తంలో ఎన్న‌డూ లేని రీతిలో భార‌త జ‌ట్టులో చోటు కోసం విప‌రీత‌మైన పోటీ నెల‌కొంద‌న్నాడు.

శుక్ర‌వారం ఆస‌క్తిక‌ర వ్యాఖ్య‌లు చేశాడు గంభీర్. ప్ర‌స్తుతం ఐపీఎల్ లో ల‌క్నో సూప‌ర్ జెయింట్స్ జ‌ట్టుకు మెంటార్ గా ఉన్నాడు. ఇదే జ‌ట్టుకు కేఎల్ రాహుల్ కెప్టెన్ గా ఉన్నాడు . భార‌త జ‌ట్టుకు ఉప సార‌థిగా బాధ్య‌త‌లు నిర్వ‌హిస్తున్నాడు. మ‌రో వైపు హార్దిక్ పాండ్యా దూసుకు వ‌స్తుండ‌గా ఇంకో వైపు యువ ఆట‌గాళ్లు స‌త్తా చాటుతూ పోటీదారులుగా మారార‌ని గుర్తు చేశాడు గంభీర్(Gautam Gambhir).

ఇలాగే ఆడుకుంటూ పోతే నీ ప్లేస్ లో ఇంకొక‌రు చేరుతార‌ని గుర్తించాల‌ని , అందుకు త‌గ్గట్టు పూర్తిగా ఆట పైనే దృష్టి కేంద్రీక‌రించాల‌ని సూచించాడు. ఇక‌నైనా ఆడే విధానంలో మార్పు వ‌చ్చేలా చూసుకోవాల‌ని పేర్కొన్నాడు గౌతమ్ గంభీర్. అయితే కేఎల్ రాహుల్ ప్ర‌తిభ‌, స‌త్తాపై ఎలాంటి అనుమానం లేద‌న్నాడు.

కానీ అత‌ని ఫామ్ తోనే విమ‌ర్శ‌ల‌కు లోన‌వుతున్నాడ‌ని, ఎంత కాలం సెలెక్ట‌ర్లు వెయిట్ చేయ‌లేర‌ని హెచ్చ‌రించారు. స్వ‌దేశంలో శ్రీ‌లంక‌తో జ‌రిగే టీ20 సీరీస్ లో భాగం కాలేడు. కానీ రోహిత్ శ‌ర్మ సార‌థ్యంలోని వ‌న్డే సీరీస్ కు అందుబాటులో ఉంటాడు. అన‌వ‌స‌రంగా ఒత్తిడికి లోన‌వుతున్నాడ‌ని పేర్కొన్నాడు గంభీర్. స్టార్ స్పోర్ట్స్ ఎ చాట్ విత్ ఛాంపియ‌న్స్ లో ఈ అభిప్రాయం వ్య‌క్తం చేశాడు.

Also Read : కోలుకుంటున్న రిష‌బ్ పంత్ – జే షా