RGV Chandrababu : హిట్ల‌ర్..ముస్స‌లోనీ కంటే బాబు డేంజ‌ర్

RGV Chandrababu : తెలుగుదేశం పార్టీ చీఫ్‌, మాజీ సీఎం నారా చంద్ర‌బాబు నాయుడుపై నిప్పులు చెరిగారు వివాదాస్ప‌ద ద‌ర్శ‌కుడు రామ్ గోపాల్ వ‌ర్మ‌. కందుకూరు స‌భ‌లో ఎనిమిది మంది, గుంటూరులో ముగ్గురు మ‌హిళ‌లు తొక్కిస‌లాట‌లో ప్రాణాలు కోల్పోయారు. ఈ రెండు ఘ‌ట‌న‌లు రాష్ట్రంలో క‌ల‌క‌లం రేపాయి.

తీవ్ర విమ‌ర్శ‌ల‌కు దారి తీశాయి. ఈ సంద‌ర్భంగా పెద్ద ఎత్తున చంద్ర‌బాబు నిర్వాకంపై స‌ర్వ‌త్రా విమ‌ర్శ‌లు వెల్లువెత్తుతున్నాయి. ఇప్ప‌టికే వైసీపీ దాడి నిప్పులు చెరిగింది. ప్ర‌జ‌ల ప్రాణాల‌తో చెల‌గాటం మంచి ప‌ద్ద‌తి కాద‌ని సూచించింది. తాజాగా దిగ్గ‌జ ద‌ర్శ‌కుడు ఆర్జీవీ షాకింగ్ కామెంట్స్ చేయ‌డం విస్తు పోయేలా చేసింది. గ‌తంలో ఎన్న‌డూ లేని రీతిలో స్పందించారు. ఈ మొత్తం చావుల‌కు చంద్ర‌బాబు నాయుడే(RGV Chandrababu) కార‌ణ‌మ‌ని ఆరోపించారు.

ఒక ర‌కంగా తీవ్ర ఆవేద‌న వ్య‌క్తం చేశారు. ప్ర‌జ‌ల ప్రాణాలంటే బాబుకు విలువ అన్న‌ది లేకుండా పోయింద‌న్నారు. ఆయ‌న‌కు ప్ర‌చారం మీద ఉన్నంత ఆస‌క్తి దేని మీదా ఉండ‌ద‌న్నారు. ప్ర‌పంచంలో న‌రహంత‌కులుగా పేరొందిన హిట్ల‌ర్ , ముస్స‌లోనీ త‌ర్వాత చంద్రబాబు నాయుడేనంటూ సంచ‌ల‌న ఆరోప‌ణ‌లు చేశారు.

బాబు స‌భ‌ల్లో జ‌రిగిన తొక్కిస‌లాట‌లో ప్రాణాలు కోల్పోవ‌డాన్ని త‌ప్పు ప‌ట్టారు. దీనికి ప్ర‌ధాన కార‌కుడు చంద్ర‌బాబు నాయుడేన‌ని మండిప‌డ్డారు ఆర్జీవీ. చంద్ర‌న్న సంక్రాంతి కానుక పేరుతో కుక్క‌ల‌కు బిస్కెట్లు వేసిన‌ట్లు తాయిలాలు విసిరారంటూ ఆరోపించారు . ప‌ర్స‌న‌ల్ ఇగో, ఫోటోలు, ప్ర‌చారం కోసం ప్ర‌జ‌ల ప్రాణాలు తీశారంటూ ఆవేద‌న చెందారు.

Also Read : రాహుల్ యాత్ర‌లో కామ్యా పంజాబీ