IND vs SL 2nd T20 : రెండో టీ20 మ్యాచ్ లో త్రిపాఠికి ఛాన్స్

IND vs SL 2nd T20 : పుణె వేదిక‌గా జ‌రుగుతున్న రెండీ టీ20 మ్యాచ్ ప్రారంభ‌మైంది. భార‌త జ‌ట్టు కెప్టెన్ హార్దిక్ పాండ్యా టాస్ గెలిచాడు. ఇక కేర‌ళ స్టార్ బ్యాట‌ర్ సంజూ శాంస‌న్ గాయ‌ప‌డ‌డంతో అత‌డి స్థానంలో జితేశ్ శ‌ర్మ ను ఎంపిక చేసింది భార‌త క్రికెట్ కంట్రోల్ బోర్డు (బీసీసీఐ). విచిత్రంగా శ‌ర్మ‌ను ప‌క్క‌న పెట్టాడు పాండ్యా. రాహుల్ త్రిపాఠీకి అవకాశం ఇచ్చాడు.

ఇప్ప‌టికే ముంబై వేదిక‌గా జ‌రిగిన తొలి టీ20 మ్యాచ్ లో భార‌త జ‌ట్టు(IND vs SL 2nd T20) అనూహ్యంగా 2 ప‌రుగుల తేడాతో గెలుపొందింది. ముందుగా బ్యాటింగ్ చేసిన భార‌త్ ర‌న్స్ చేయ‌డంలో త‌డ‌ప‌డింది. చివ‌ర‌కు దీప‌క్ హూడా, అక్ష‌ర్ ప‌టేల్ ఆదుకోవ‌డంతో 162 ర‌న్స్ చేసింది. ఇదే స‌మ‌యంలో బ‌రిలోకి దిగిన శ్రీ‌లంక చివ‌రి బంతి దాకా పోరాడింది.

ఆఖ‌రి బంతి దాకా నువ్వా నేనా అన్న రీతిలో మ్యాచ్ సాగింది. దీంతో మూడు మ్యాచ్ ల సీరీస్ లో ప్రస్తుతానికి భార‌త్ జ‌ట్టు 1-0 ఆధిక్యంలో కొన‌సాగుతోంది. ఇక జ‌ట్ల ప‌రంగా చూస్తే భార‌త జ‌ట్టులో ఇషాన్ కిష‌న్ , శుభ్ మ‌న్ గిల్ , సూర్య కుమార్ యాద‌వ్ , రాహుల్ త్రిపాఠి, హార్దిక్ పాండ్యా (కెప్టెన్ ) దీప‌క్ హూడా, అక్ష‌ర్ ప‌టేల్ , శివం మావి, ఉమ్రాన్ మాలిక్ , అర్ష్ దీప్ సింగ్ , చాహ‌ల్ ఉన్నారు.

ఇక శ్రీ‌లంక జ‌ట్టులో పాతుమ్ నిస్సాంక‌, కుస‌ల్ మెండీస్ , ధ‌నంజ‌య డిసిల్వా , చ‌రిత్ అస‌లంక‌, భానుక రాజ‌ప‌క్స, ధ‌సున్ ష‌న‌క (కెప్టెన్ ), వ‌నిందు హ‌స‌రంగా, చ‌మిక , మ‌హేష్ తీక్ష‌ణ‌, దిల్ష‌న్ మ‌ధుశంక ఉన్నారు.

Also Read : మ‌హిళ‌ల ఐపీఎల్ పై సీఎస్కే ఫోక‌స్