ICC Womens T20 World Cup : ఇండియా పాకిస్తాన్ బిగ్ ఫైట్

ICC Womens T20 World Cup : దాయాదులైన భార‌త్, పాకిస్తాన్ మ‌హిళా జ‌ట్ల మ‌ధ్య బిగ్ ఫైట్ ఆదివారం కొన‌సాగ‌నుంది. ద‌క్షిణాఫ్రికాలో జ‌రుగుతున్న ఐసీసీ మ‌హిళ‌ల టి20 ప్ర‌పంచ క‌ప్ లో భాగంగా లీగ్ మ్యాచ్ జ‌ర‌గ‌నుంది. వ‌ర‌ల్డ్ క‌ప్ హాట్ ఫెవ‌రేట్ గా ఆస్ట్రేలియాతో పాటు ఇండియా, ఇంగ్లండ్ జ‌ట్లు ఉన్నాయి. ఇక మెగా టోర్నీలో ప్రారంభ మ్యాచ్ లోనే కోలుకోలేని షాక్ త‌గిలింది ఆతిథ్య జ‌ట్టు సౌతాఫ్రికాకు. చివ‌రి దాకా ఉత్కంఠ భ‌రితంగా సాగిన మ్యాచ్ లో 3 ప‌రుగుల తేడాతో శ్రీలంక మ‌హిళా జ‌ట్టు విక్ట‌రీ సాధించింది.

ఈ టోర్నీలో మొత్తం 10 జట్లు పాల్గొంటున్నాయి. రెండు గ్రూపులు ఉండ‌గా ఒక్కో గ్రూప్ లో 5 జ‌ట్లు ఉన్నాయి. గ్రూప్ -బి లో భార‌త్ ,పాకిస్తాన్ జ‌ట్లు ఉన్నాయి. ఈసారి హ‌ర్మ‌న్ ప్రీత్ కౌర్ సార‌ధ్యంలోని భార‌త జ‌ట్టు కూడా వ‌ర‌ల్డ్ క‌ప్(ICC Womens T20 World Cup) పై క‌న్నేసింది.

ఎలాగైనా స‌రే స‌త్తా చాటాల‌ని ప్ర‌య‌త్నం చేస్తోంది. ఇప్ప‌టికే జ‌ట్టు వైస్ కెప్టెన్ గా ఉన్న స్మృతి మంధాన సూప‌ర్ ఫామ్ లో ఉంది. ఆమెతో పాటు ఇటీవ‌ల అండ‌ర్ 19 జ‌ట్టుకు కెప్టెన్ గా వ్య‌వ‌హ‌రించిన షెఫాలీ వ‌ర్మ సార‌థ్యంలో వ‌ర‌ల్డ్ క‌ప్ చేజిక్కించుకుంది. ప్ర‌స్తుతం జ‌ట్టులో కీల‌కంగా మార‌నుంది. ఆమెతో పాటు జ‌ట్టులో ఆడిన రిచా శ‌ర్మ కూడా వ‌ర‌ల్డ్ క‌ప్ లో ఆడ‌నుండడం బిగ్ అడ్వాంటేజ్.

భార‌త జ‌ట్టులో హ‌ర్మ‌న్ ప్రీత్ కెప్టెన్ కాగా మంధాన‌, భాటియా, రిచా , షెఫాలీ, జెమీమా, డియోల్ , దీప్తి , దేవికా , రాధా , రేణుకా, అంజ‌లి , పూఆ , రాజేశ్వ‌రి, గైఖాద్ ఉన్నారు.

పాకిస్తాన్ టీమ్ లో మ‌రూఫ్ కెప్టెన్ కాగా , అలియా, ఐమ‌న్ , ఐషా , ఫాతిమా , జ‌వేరియా, మునీబా , న‌ష్రా , నిదా దార్ , ఒమైమా , స‌దాఫ్ , సాదియా , సిద్రా , తుబా హ‌స‌న్ ఆడ‌తారు.

Also Read : టెస్టుల్లో పెరిగిన భార‌త్ ర్యాంక్