Bengal vs Saurashtra Ranji Final : బెంగాల్ సౌరాష్ట్రా నువ్వా నేనా

Bengal vs Saurashtra Ranji Final : అస‌లు సిస‌లైన పోరాటం ఇవాల్టి నుంచి మొద‌లు కానుంది. ప్ర‌తిష్టాత్మ‌క‌మైన కోల్ క‌తా లోని ఈడెన్ గార్డెన్స్ లో నువ్వా నేనా అన్న రీతిలో పోటీ ప‌డేందుకు ప‌శ్చిమ బెంగాల్ సౌరాష్ట్రాలు త‌ల‌ప‌డ‌నున్నాయి.

ఈ సంకుల స‌మ‌రంలో ఎవ‌రు గెలుస్తార‌నేది ఉత్కంఠ నెల‌కొంది. ఇదిలా ఉండ‌గా మూడు ద‌శాబ్ధాల‌కు పైగా ప‌శ్చిమ బెంగాల్ రంజీ ట్రోఫీకి దూరంగా ఉంది. సుదీర్ఘ కాలం త‌ర్వాత ట్రోఫీని చేజిక్కించు కునేందుకు ఇదో మంచి అవ‌కాశంగా భావిస్తోంది బెంగాల్. హోం గ్రౌండ్ కావ‌డం కూడా అడ్వాంటేజ్ గా మారింది.

ఇక జ‌య‌దేవ్ ఉనాద్క‌త్ ను అనూహ్యంగా భార‌త క్రికెట్ కంట్రోల్ బోర్డు (బీసీసీఐ) జాతీయ జ‌ట్టు నుంచి విడుద‌ల చేసింది. కేవ‌లం బెంగాల్ తో కీల‌క‌మైన రంజీ ఫైన‌ల్ మ్యాచ్ ఉండ‌డం కార‌ణంగా. గురువారం నుంచి ఫైన‌ల్(Bengal vs Saurashtra Ranji Final)  మ్యాచ్ స్టార్ట్ అవుతుంది.

బెంగాల్ ఈసారి ఎలాగైనా స‌రే టైటిల్ గెల‌వాల‌ని క‌సితో ఉంది. బెంగాలీ క్రికెట్ ఫ్యాన్స్ ఫైన‌ల్ మ్యాచ్ కోసం వేచి చూస్తున్నారు. ప్ర‌తీకారం కోసం వేచి చూస్తోంది. చివ‌రి సారిగా 2020లో ప‌శ్చిమ బెంగాల్ రంజీ ట్రోఫీ ఫైన‌ల్ కు చేరుకుంది. 

1990లో బెంగాల్ త‌మ చివ‌రి రంజీ ట్రోఫీని గెలుచుకున్న ఈడెన్ గార్డెన్స్ లో ఈసారి రెండు జ‌ట్లూ మ‌ళ్లీ రంజీ ఫైన‌ల్ లో క‌త్తులు దూసేందుకు సిద్ద‌ప‌డుతున్నాయి. గ‌త ఏడాది సౌరాష్ట్ర రాజ్ కోట్ లోని వారి స్వంత మైదానంలో మొద‌టి ఇన్నింగ్స్ లో ఆధిక్యం ఆధారంగా టైటిల్ గెలుపొందింది.

Also Read : వ‌ర‌ల్డ్ క‌ప్ లో భార‌త్ జైత్ర‌యాత్ర‌