IND vs AUS Dream11 2nd Test : భార‌త్ జోరు ఆస్ట్రేలియా బేజారు

IND vs AUS Dream11 2nd Test : భార‌త‌, ఆస్ట్రేలియా జ‌ట్ల మ‌ధ్య కీల‌క‌మైన పోరుకు సిద్ద‌మైంది ఢిల్లీ ఫిరోజ్ షా మైదానం. నాలుగు టెస్టు మ్యాచ్ ల సీరీస్ లో ఇప్ప‌టికే టీమిండియా తొలి టెస్టులో అద్భుత విజ‌యాన్ని న‌మోదు చేసి జోరు మీదుంది. మ‌రో వైపు ప్ర‌పంచ టెస్టు ఛాంపియ‌న్ షిప్ ఫైన‌ల్ కు చేరాలంటే మిగ‌తా మూడు టెస్టుల‌లో క‌నీసం రెండు మ్యాచ్ ల‌లో గెల‌వాల్సిన ప‌రిస్థితి నెల‌కొంది టీమిండియా(IND vs AUS Dream11 2nd Test) ముందు. ఈ త‌రుణంలో అటు బౌలింగ్ లోనూ ఇటు బ్యాటింగ్ లోనూ అద్భుత‌మైన ప‌ర్ ఫార్మెన్స్ తో సాగుతోంది.

భార‌త జ‌ట్టు హెడ్ కోచ్ రాహుల్ ద్ర‌విడ్ జ‌ట్టులో ఏమైనా మార్పులు చేస్తాడా లేక పాత జ‌ట్టునే కంటిన్యూ చేస్తాడా అన్న‌ది తేలాల్సి ఉంది. నాగ్ పూర్ లో గ్రాండ్ విక్ట‌రీ సాధించిన భార‌త టాప్ ఆర్డ‌ర్ ప‌ర్ ఫార్మెన్స్ ఆశించిన స్థాయిలో లేదు. ప్ర‌ధానంగా విరాట్ కోహ్లీ మ‌రోసారి విఫ‌లం కావ‌డం కొంత ఇబ్బంది క‌లిగించేదిగా ఉంది. సీనియ‌ర్ల‌ను ప‌క్క‌న పెడ‌తారా అన్న అనుమానం నెల‌కొంది.

ఇక న‌యా వాల్ గా వినుతికెక్కిన ఛ‌తేశ్వ‌ర్ పుజారాకు ఢిల్లీ టెస్టు చిర‌స్మ‌ర‌ణీయంగా మిగ‌ల‌నుంది. ఎందుకంటే అత‌డి కెరీర్ లో ఇది 100వ టెస్టు కావ‌డం గ‌మ‌నార్హం. ఎలాగైనా స‌త్తా చాటాల‌ని ఉవ్విళ్లూరుతున్నాడు పుజారా. తొలి టెస్టులో పుజారాతో పాటు కేఎల్ రాహుల్, కోహ్లీ విఫ‌ల‌మ‌య్యాడు. 

రాహుల్ ప్లేస్ లో గిల్ ను తీసుకుంటార‌నే ప్ర‌చారం ఉంది. సూర్య కుమార్ యాద‌వ్ ప్లేస్ లో శ్రేయ‌స్ అయ్య‌ర్ కు ఛాన్స్ ఇచ్చే అవ‌కాశం ఉంది. ఏది ఏమైనా ఇరు జ‌ట్లు విజ‌యం కోసం గ‌ట్టిగా త‌ల‌ప‌డడం ఖాయం.

Also Read : ఆసియా క‌ప్ లో ఆడ‌నున్న భార‌త్