Indigo Flight Landing : ఇండిగో ఫ్లైట్ లో సాంకేతిక లోపం
శంషాబాద్ ఎయిర్ పోర్ట్ లో ల్యాండింగ్
Indigo Flight Landing : ఇండిగో ఎయిర్ లైన్స్ కు చెందిన విమానంలో సాంకేతిక లోపం ఏర్ప‌డింది. దీంతో అత్య‌వ‌స‌రంగా తెలంగాణ‌లోని హైద‌రాబాద్ శంషాబాద్ రాజీవ్ గాంధీ ఇంట‌ర్నేష‌న‌ల్ ఎయిర్ పోర్టులో ల్యాండింగ్(Indigo Flight Landing) అయింది. ఈ ఫ్లైట్ లో మొత్తం 137 మంది ప్ర‌యాణికులు ప్ర‌యాణిస్తున్నారు. వారంతా సుర‌క్షితంగా ఉన్నార‌ని స‌మాచారం.
ఈ ఘ‌ట‌న‌పై డీజీసీఏ విచార‌ణ‌కు ఆదేశించింది. దారి మళ్లింపున‌కు ప్ర‌ధాన కార‌ణం కేవ‌లం సాంకేతిక లోపం మాత్ర‌మేన‌ని పేర్కొంది స‌ద‌రు ఎయిర్ లైన్స్ సంస్థ.
ఇదిలా ఉండ‌గా 6ఇ897 నెంబ‌ర్ క‌లిగిన ఇండిగో విమానం బెంగ‌ళూరు నుండి వార‌ణాసికి బ‌య‌లుదేరింది. అయితే సాంకేతిక లోపం ఏర్ప‌డ‌డంతో అత్య‌వ‌స‌రంగా శంషాబాద్ ఎయిర్ పోర్ట్ కు మ‌ళ్లించారు. ఈ ఘ‌ట‌న ఉద‌యం 6.15 నిమిషాల‌కు జ‌రిగింది. ఈ విష‌యాన్ని డైరెక్ట‌రేట్ జ‌న‌ర‌ల్ ఆఫ్ ఏవియేష‌న్ ధృవీక‌రించింది కూడా.
ప్ర‌స్తుతం ఎలాంటి ప్ర‌మాదం లేద‌ని, ట్రావెల‌ర్స్ ను సుర‌క్షితంగా త‌మ గ‌మ్య స్థానంకు చేరుకునేందుకు ఏర్పాట్లు చేస్తున్న‌ట్లు డీజీసీఏ వెల్ల‌డించింది. సుర‌క్షితంగా ల్యాండింగ్ కావ‌డంతో ఫ్లైట్ లో ప్ర‌యాణిస్తున్న వారంతా ఊపిరి పీల్చుకున్నారు.
Also Read : ట్విట్ట‌ర్ బ్లూ బ‌ర్డ్ లోగో మార్పు