Prakash Raj Sudeep : సుదీప్ మ‌ద్ద‌తుపై ప్ర‌కాష్ రాజ్ షాక్
తాను ఊహించ లేద‌న్న న‌టుడు
Prakash Raj Sudeep : ప్ర‌ముఖ న‌టుడు ప్ర‌కాష్ రాజ్ షాకింగ్ కామెంట్స్ చేశారు. క‌ర్ణాట‌క‌లో సూప‌ర్ స్టార్ గా పేరొందిన కిచ్చా సుదీప్ తాను భార‌తీయ జనతా పార్టీకి మ‌ద్ద‌తు ఇస్తున్న‌ట్లు ప్ర‌క‌టించారు. ఆయ‌న సీఎం బ‌స్వ‌రాజ్ బొమ్మై స‌మ‌క్షంలో ఈ ప్ర‌క‌ట‌న చేశారు.
సీఎం ఏది చెప్పినా చేసేందుకు సిద్దంగా ఉన్నాన‌ని స్ప‌ష్టం చేశారు. అంతే కాదు కేవ‌లం ప్ర‌చారం చేస్తాన‌ని కానీ తాను ఎన్నిక‌ల్లో పోటీ చేయ‌నంటూ వెల్ల‌డించారు. కిచ్చా సుదీప్(Sudeep) చేసిన ప్ర‌క‌ట‌న‌పై సీరియ‌స్ గా స్పందించారు ప్ర‌కాష్ రాజ్. తాను ఈ వార్త విని షాక్ కు గుర‌య్యాన‌ని పేర్కొన్నారు.
గురువారం విల‌క్ష‌ణ న‌టుడు కీల‌క వ్యాఖ్య‌లు చేశారు. దేశాన్ని స‌ర్వ‌నాశ‌నం చేస్తున్న భార‌తీయ జనతా పార్టీ ప్ర‌భుత్వానికి ఎలా మ‌ద్ద‌తు ఇస్తారంటూ ప్ర‌శ్నించారు. క‌ళాకారులు ప్ర‌జ‌ల కోసం , వారి ప‌క్షాన ఉండాల‌ని కానీ పాల‌క ప‌క్షం దాష్టీకాల‌కు, అవినీతి , అక్ర‌మాల‌కు మ‌ద్ద‌తు ప‌ల‌క కూడ‌ద‌ని స్ప‌ష్టం చేశారు ప్ర‌కాష్ రాజ్(Prakash Raj Sudeep).
తాను కోలుకోలేక పోయాన‌ని పేర్కొన్నారు. ఇదిలా ఉండ‌గా వ‌చ్చే మే నెల‌లో క‌ర్ణాట‌క‌లో అసెంబ్లీ ఎన్నిక‌లు జ‌ర‌గ‌నున్నాయి. ఈ నేప‌థ్యంలో కాంగ్రెస్ వ‌ర్సెస్ బీజేపీగా మారి పోయింది. ఒక‌రిపై మ‌రొక‌రు ఆరోప‌ణ‌లు చేసుకుంటున్నారు. ఇటీవ‌ల ప్ర‌ధాన‌మంత్రి న‌రేంద్ర మోదీ క‌ర్ణాట‌క‌లో మూడుసార్లు ప‌ర్య‌టించారు. ఈ సంద‌ర్బంగా ప‌లువురు న‌టీన‌టులు ఆయ‌న‌ను క‌లుసుకున్నారు.
Also Read : పోటీ చేయ‌ను ప్ర‌చారం చేస్తా – సుదీప్