Tirumala Updates : శ్రీ‌వారి ద‌ర్శ‌నం పోటెత్తిన భ‌క్త‌జ‌నం
ద‌ర్శించుకున్న న‌టులు, ప్ర‌ముఖులు
Tirumala Updates : అస‌లే ఎండా కాలం ఇంకేం శ్రీ‌వారిని ద‌ర్శించుకునేందుకు క్యూ క‌ట్టారు భ‌క్తులు. నిత్యం ర‌ద్దీగా ఉండే తిరుమ‌ల మ‌రోసారి భ‌క్త బాంధ‌వుల‌తో కిట కిట లాడుతోంది.
మ‌రోవైపు ఎప్ప‌టి లాగే సినీ , రాజ‌కీయ, వ్యాపార, వాణిజ్య రంగాల‌కు చెందిన ప్ర‌ముఖుల తాకిడి మ‌రింత ఎక్కువ‌వుతోంది. ఇదే స‌మ‌యంలో అష్ట‌క‌ష్టాలు ప‌డి ఎలాగో కొండ‌పైకి చేరుకుంటున్న సామాన్య భ‌క్తుల‌కు స్వామి ద‌ర్శ‌నం చుక్క‌లు చూపిస్తోంది. ఏడు కొండ‌ల వాడా ఎక్క‌డున్నావ‌య్యా అని పాడుకుంటున్నారు.
టీటీడీ పాల‌క మండ‌లి జంబో జ‌ట్టును పోలి ఉన్నా సౌక‌ర్యాల క‌ల్ప‌న‌లో ఇంకా ఇబ్బందుల‌ను, విమ‌ర్శ‌ల‌ను ఎదుర్కొంటోంది. ఈవో ధ‌ర్మారెడ్డి తీరుపై ఇటీవ‌లే వైసీపీ ఎమ్మెల్యే ఒక‌రు ఆగ్ర‌హం వ్య‌క్తం చేశారు. త‌న‌కు ప్రోటోకాల్ పాటించ లేదంటూ వాపోయారు. ఇది ప‌క్క‌న పెడితే ప్ర‌స్తుతం భ‌క్తుల కోసం అంద‌జేస్తున్న అన్న‌దానం స‌రిగా ఉండ‌డం లేదని భ‌క్తులు వాపోతున్నారు. తాజాగా భ‌క్తుల ర‌ద్దీ పెర‌గ‌డంతో క్యూ లైన్ లోనే నిలిచి ఉన్నారు.
ఈ లైన్ శిలా తోర‌ణం దాకా కొన‌సాగింది. దర్శ‌న భాగ్యం క‌ల‌గాలంటే క‌నీసం 25 గంట‌ల‌కు పైగానే ప‌డుతుంద‌ని స‌మాచారం. అప్ప‌టి వ‌ర‌కు ఎలాంటి ఇబ్బందులు లేకుండా ఉండేందుకు గాను టీటీడీ(Tirumala Updates) ఏర్పాట్లు చేసింది. చంటి పిల్ల‌ల త‌ల్లులు, వృద్దుల ప‌రిస్థితి మ‌రింత క‌ష్టంగా ఉంది. ఇక శుక్ర‌వారం వీఐపీ బ్రేక్ స‌మ‌యంలో ఏపీ జ‌డ్జి మిశ్రా, కేంద్ర మంత్రి ఇరానీ , హీరోలు గోపీచంద్ , అల్ల‌రి న‌రేష్ ద‌ర్శించుకున్నారు.
Also Read : వేణు ఖాతాలో మ‌రో అవార్డు