Krunal Pandya IPL 2023 : కృనాల్ పాండ్యా ఆల్ రౌండ్ షో

Krunal Pandya IPL 2023 : ల‌క్నో వేదిక‌గా జ‌రిగిన కీల‌క మ్యాచ్ లో స‌న్ రైజ‌ర్స్ హైద‌రాబాద్ 5 వికెట్ల తేడాతో ఓట‌మి పాలైంది. ముందుగా బ్యాటింగ్ చేసిన హైద‌రాబాద్ కేవ‌లం 121 ప‌రుగులు మాత్ర‌మే చేసింది. స్వ‌ల్ప ల‌క్ష్యాన్ని సుల‌భంగా ఛేదించింది ల‌క్నో సూప‌ర్ జెయింట్స్ . కెప్టెన్ కేఎల్ రాహుల్ 35 ర‌న్స్ చేస్తే , కృనాల్ పాండ్యా 34 ర‌న్స్ తో రాణించారు. త‌మ జ‌ట్టు విజ‌యంలో కీల‌క పాత్ర పోషించారు.

హైద‌రాబాద్ బ్యాటింగ్ లైన‌ప్ ను కృనాల్ పాండ్యా(Krunal Pandya IPL 2023) త‌న అద్భుత‌మైన బంతుల‌తో బోల్తా కొట్టించాడు. పాండ్యా ఆల్ రౌండ్ షోతో ఆక‌ట్టుకున్నాడు. 4 ఓవ‌ర్ల‌లో కేవ‌లం 18 ప‌రుగులు మాత్ర‌మే ఇచ్చిన కృనాల్ పాండ్యా 3 కీల‌క వికెట్లు తీశాడు. దీంతో హైద‌రాబాద్ ప‌త‌నాన్ని శాసించాడు.

నిర్ణీత ఓవ‌ర్ల‌లో స‌న్ రైజ‌ర్స్ 8 వికెట్లు కోల్పోయి త‌క్కువ స్కోర్ కే ప‌రిమిత‌మై పోయింది. 23 బంతులు మాత్ర‌మే ఎదుర్కొన్న పాండ్యా 34 ర‌న్స్ చేయ‌డం విశేషం. దీంతో ఇంకా నాలుగు ఓవ‌ర్లు మిగిలి ఉండ‌గానే ల‌క్నో సూప‌ర్ జెయింట్స్ గ్రాండ్ విక్ట‌రీని న‌మోదు చేసింది. టోర్నీలో భాగంగా జ‌రిగిన తొలి లీగ్ మ్యాచ్ లో ల‌క్నో ఢిల్లీ క్యాపిట‌ల్స్ ను ఓడించింది.

ఇక స‌న్ రైజ‌ర్స్ హైద‌రాబాద్ కు ఐపీఎల్ లో వ‌రుస‌గా ఇది రెండో ఓట‌మి కావ‌డం గ‌మ‌నార్హం. యాజ‌మాన్యం హెడ్ కోచ్ , మెంటార్ , కెప్టెన్ల‌ను మార్చినా ఫ‌లితం లేకుండా పోయింది. ఎక్క‌డా పోరాట ప‌టిమ క‌న‌బ‌ర్చ‌డం లేదు. దీంతో ఫ్యాన్స్ భ‌గ్గుమంటున్నారు.

Also Read : లారా ఉన్నా రాత మార‌ని హైద‌రాబాద్