Rohit Sharma Records : 250 సిక్స‌ర్లు 6,058 ర‌న్స్ తో రోహిత్ రికార్డ్

Rohit Sharma Records : ముంబై ఇండియ‌న్స్ స్కిప్ప‌ర్ రోహిత్ శ‌ర్మ అరుదైన ఘ‌న‌త సాధించాడు. ఇప్ప‌టికే ఫోర్లు,సిక్స‌ర్ల మోత మోగిస్తున్న హిట్ మ్యాన్ గ‌త కొంత కాలంగా ఐపీఎల్ లో రాణించ‌డం లేదు. అడ‌పా ద‌డ‌పా ఆడుతున్నాడు. తాజాగా ముంబై వేదిక‌గా పంజాబ్ కింగ్స్ ఎలెవ‌న్ తో జ‌రిగిన మ్యాచ్ లో రోహిత్ శ‌ర్మ సూప‌ర్ ఇన్నింగ్స్ ఆడాడు.

కేవ‌లం 27 బంతులు ఎదుర్కొని 44 ర‌న్స్ చేశాడు. ఇందులో 4 ఫోర్లు , 3 సిక్స‌ర్లు ఉన్నాయి. 162 కంటే ఎక్కువ స్ట్రైక్ రేట్ క‌లిగి ఉంది. 215 ప‌రుగుల ల‌క్ష్యం ఛేద‌న‌లో రోహిత్ శ‌ర్మ లియామ్ లివింగ్ స్ట‌న్ కి క్యాచ్ ఇచ్చి వెనుదిరిగాడు.

దీంతో ఐపీఎల్ లో రోహిత్ శర్మ సిక్స‌ర్ల సంఖ్య 250కి చేరింది. 233 మ్యాచ్ ల‌లో 30.29 స‌గ‌టుతో 130.22 స్ట్రైక్ రేట్ తో 6,058 ప‌రుగులు చేశాడు. లీగ్ లో ఒక సెంచ‌రీ 41 హాఫ్ సెంచ‌రీలు చేశాడు. అత్యుత్త‌మ స్కోర్ 109 ప‌రుగులు ఉన్నాయి.

ఐపీఎల్ లో 250 సిక్స‌ర్లు కొట్టిన ఆట‌గాళ్ల‌లో రోహిత్ శ‌ర్మ (Rohit Sharma Records)  మూడో ఆట‌గాడు. ఇప్ప‌టి వ‌ర‌కు తొలి ఐదుగురు ఆట‌గాళ్ల‌లో క్రిస్ గేల్ 357 సిక్స‌ర్ల‌తో తొలి స్థానంలో ఉన్నాడు. ఏబీ డివిలియ‌ర్స్ 251 సిక్స‌ర్లు, రోహిత్ శ‌ర్మ 250 సిక్స‌ర్లు , ఎంఎస్ ధోనీ 235 సిక్స‌ర్ , విరాట్ కోహ్లీ 229 సిక్స‌ర్లు కొట్టారు.

Also Read : ఆల్ టైమ్ ఆల్ రౌండ‌ర్ వాట్స‌న్