Venkatesh Prasad KL Rahul : కేఎల్ రాహుల్ తెలివి లేనోడు

Venkatesh Prasad KL Rahul : ల‌క్నో సూప‌ర్ జెయింట్స్ స్కిప్ప‌ర్ కేఎల్ రాహుల్ పై నిప్పులు చెరిగాడు మాజీ భార‌త క్రికెట‌ర్ వెంక‌టేశ్ ప్ర‌సాద్. రాహుల్ ను బుద్ది హీనుడు అంటూ షాకింగ్ కామెంట్స్ చేశాడు. త‌క్కువ స్కోర్ కే గుజ‌రాత్ టైటాన్స్ ను క‌ట్ట‌డి చేసినా ఎందుక‌ని స్వ‌ల్ప టార్గెట్ ను ఛేదించ లేక పోయారంటూ ప్ర‌శ్నించాడు.

నాయ‌క‌త్వ బాధ్య‌త‌లు నిర్వ‌హిస్తున్న కేఎల్ రాహుల్(KL Rahul) కు క‌నీసం ఇంకిత జ్ఞానం లేకుండా పోయిందంటూ మండిప‌డ్డాడు. ఇదిలా ఉండ‌గా గ‌త కొంత కాలంగా కేఎల్ రాహుల్ పై సీరియ‌స్ కామెంట్స్ చేస్తూ వ‌స్తున్నాడు వెంక‌టేశ్ ప్ర‌సాద్. విచిత్రం ఏమిటంటే ఇద్ద‌రూ క‌ర్ణాట‌క‌కు చెందిన వారు కావ‌డం విశేషం.

ఆరంభంలో ల‌క్నో సూప‌ర్ జెయింట్స్ బాగా ఆడింది. రాహుల్ బాగానే రాణించినా ఆ త‌ర్వాత ఎందుక‌ని ప్లేయ‌ర్లు నిల‌దొక్కుకోలేక పోయారంటూ నిల‌దీశాడు. ఇందుకు కెప్టెన్ మాత్ర‌మే బాధ్య‌త వ‌హించాల‌ని స్ప‌ష్టం చేశాడు వెంక‌టేశ్ ప్ర‌సాద్(Venkatesh Prasad). చివ‌రి ఓవ‌ర్ లో 17 ర‌న్స్ చేయాల్సి వ‌చ్చింది. మ‌హ్మ‌ద్ ష‌మీ, మోహిత్ శ‌ర్మ ఫాస్ట్ బౌలింగ్ తో దుమ్ము రేపారు. జోరు మీదున్న ల‌క్నో సూప‌ర్ జెయింట్స్ ను క‌ట్ట‌డి చేశారు.

దీంతో గుజ‌రాత్ టైటాన్స్ చేతిలో ఘోరంగా ఓట‌మి పాలైంది . దీనిపై సీరియ‌స్ గా స్పందించాడు వెంక‌టేశ్ ప్ర‌సాద్. ఒక ర‌కంగా ల‌క్నో చేతిలో మ్యాచ్ ఉంది. కానీ గుజ‌రాత్ బౌల‌ర్ల‌ను ఢీకొన‌డంలో విఫ‌లం కావ‌డాన్ని తీవ్రంగా త‌ప్పు ప‌ట్టాడు. రాహుల్ పై చేసిన కామెంట్స్ క‌ల‌క‌లం రేపుతున్నాయి.

Also Read : 250 సిక్స‌ర్లు 6,058 ర‌న్స్ తో రోహిత్ రికార్డ్