Rohit Sharma : మాపై అంచ‌నాలు ఉండ‌వు – రోహిత్
షాకింగ్ కామెంట్స్ చేసిన ముంబై స్కిప్ప‌ర్
Rohit Sharma : ఐపీఎల్ లీగ్ లో భాగంగా జ‌రిగిన ఎలిమినేట‌ర్ మ్యాచ్ లో కీల‌క ప‌రిణామం చోటు చేసుకుంది. మ‌రోసారి లోక్నోబోల్తా ప‌డింది. ప్ర‌ధానంగా ముంబై ఇండియ‌న్స్ బౌల‌ర్ ఆకాశ్ మ‌ధ్వ‌ల్ దెబ్బ‌కు కుప్ప కూలింది. కేవ‌లం 3.3 ఓవ‌ర్లు వేసి 17 డాట్ బాల్స్ వేసిన మ‌ధ్వ‌ల్ 5 ప‌రుగులు ఇచ్చి 5 వికెట్లు తీశాడు.
ముందుగా బ్యాటింగ్ చేసిన ముంబై నిర్ణీత 20 ఓవ‌ర్ల‌లో 8 వికెట్లు కోల్పోయి 182 ర‌న్స్ చేసింది. అనంత‌రం 183 ప‌రుగుల ల‌క్ష్యంతో బ‌రిలోకి దిగిన ల‌క్నో సూప‌ర్ జెయింట్స్ 101 ప‌రుగుల‌కే చాప చుట్టేసింది. దీంతో 81 ప‌రుగుల తేడాతో గ్రాండ్ విక్ట‌రీ న‌మోదు చేసింది టైటిల్ చేజిక్కించు కునేందుకు రెడీ అయ్యింది రోహిత్ సేన.
మ్యాచ్ అనంత‌రం కెప్టెన్ రోహిత్ శ‌ర్మ(Rohit Sharma) మీడియాతో మాట్లాడాడు. త‌మ జ‌ట్టుపై ఎక్కువ‌గా అంచ‌నాలంటూ ఉండ‌వ‌న్నాడు. చాలా మంది ఫ్యాన్స్ కు తమ‌పై ఎక్కువ‌గా ఆశ‌లు పెట్టుకోర‌ని చెప్పాడు. ఎందుకంటే తాము ఎక్కువ‌గా షో చేసేందుకు ఇష్ట‌ప‌డ‌మ‌ని చెప్పాడు. ఆట‌ను ఆట‌గానే చూస్తామ‌ని అలాగే ఆడ‌తామ‌ని స్ప‌ష్టం చేశాడు రోహిత్ శ‌ర్మ.
ఇదిలా ఉండ‌గా టోర్నీఆరంభంలో ముంబై ఇండియ‌న్స్ త‌డ‌బ‌డింది. ఆ త‌ర్వాత పుంజుకుంది. రెండ‌వ సెష‌న్ లో స‌త్తా చాటింది. ఏకంగా ప్లే ఆఫ్ రేసుకు చేరుకుంది. మ‌రో వైపు టైటిల్ గెల‌వాల‌న్న రాయ‌ల్ ఛాలెంజ‌ర్స్ బెంగ‌ళూరు ఆశ‌ల‌పై నీళ్లు చ‌ల్లింది.
Also Read : Sanjay Manjrekar