Nara Chandrababu Naidu: గురువారం సాయంత్రం బాధ్యతలు స్వీకరించనున్న చంద్రబాబు ! .

Nara Chandrababu Naidu: ఆంధ్రప్రదేశ్‌ ముఖ్యమంత్రిగా ప్రమాణం చేసిన నారా చంద్రబాబు నాయుడు… బుధవారం రాత్రి కుటుంబ సమేతంగా తిరుమల చేరుకున్నారు. రాత్రి తిరుమలలో బసచేసి గురువారం ఉదయం… స్వామివారిని దర్శించుకోన్నారు. అనంతరం విజయవాడ చేరుకుని గురువారం సాయంత్రం 4.41 గంటలకు ముఖ్యమంత్రిగా బాధ్యతలు స్వీకరించనున్నారు. ఈ నేపథ్యంలో సచివాలయంలోని మొదటి బ్లాక్‌ లో అధికారులు ఏర్పాట్లు చేస్తున్నారు. ఎన్నికల్లో ఇచ్చిన హామీ మేరకు మెగా డీఎస్సీపై తొలి సంతకం, ల్యాండ్‌ టైటిలింగ్‌ చట్టం రద్దుపై రెండో సంతకం, పింఛను రూ.4వేలకు పెంచుతూ మూడో సంతకం, స్కిల్‌ సైన్సెస్‌పై నాలుగో సంతకం, అన్న క్యాంటీన్ల ఏర్పాటుపై ఐదో సంతకం చేయనున్నారని సమాచారం. దీనికి సంబంధించిన దస్త్రాలను అధికారులు సిద్ధం చేస్తున్నట్టు సమాచారం.

Nara Chandrababu Naidu – మంత్రులతో చంద్రబాబు సమావేశం !

ప్రమాణ స్వీకారం అనంతరం కొత్తగా నియమించిన మంత్రులతో ఉండవల్లిలోని తన నివాసంలో చంద్రబాబు సమావేశమయ్యారు. ఈ సందర్భంగా మంత్రివర్గంలో చోటు కల్పించినందుకు ఈ సందర్భంగా మంత్రులు కృతజ్ఞతలు తెలిపారు. మంత్రి వర్గంలో చోటు దక్కించుకున్న ఎమ్మెల్యేలకు దిశానిర్ధేశం చేసారు. గురువారంలో
సాయంత్రంలోగా మంత్రులకు కేటాయించిన శాఖలను ప్రకటించనున్నట్లు తెలుస్తోంది.

Also Read : Telangana TET Results: తెలంగాణ టెట్‌ ఫలితాలు విడుదల !