Meira Kumar: ప్రధాని మోదీకు లోక్‌సభ మాజీ స్పీకర్ మీరా కుమార్ చురకలు !
ప్రధాని మోదీకు లోక్‌సభ మాజీ స్పీకర్ మీరా కుమార్ చురకలు !
Meira Kumar: బిహార్‌ కు ప్రత్యేక హోదా డిమాండుకు సంబంధించి అధికార బీజేపీ-జేడీయూ కూటమి, ప్రతిపక్ష కాంగ్రెస్‌-ఆర్జేడీ-వామపక్షాల మహాగఠ్‌బంధన్‌ కూటమి మధ్య విమర్శల పర్వం కొనసాగుతోంది. ఈ నేపథ్యంలో లోక్‌సభ మాజీ స్పీకర్, కాంగ్రెస్‌ సీనియర్‌ నేత మీరా కుమార్(Meira Kumar) ప్రధాని మోదీపై ఆశక్తికరమైన వ్యాఖ్యలు చేసారు. శుక్రవారం ఆమె మాట్లాడుతూ… ‘‘కేంద్రంలో జేడీయూ మద్దతుతో బీజేపీ అధికారంలో కొనసాగుతున్నప్పటికీ, రాష్ట్ర ప్రయోజనాల కోసం ప్రత్యేక హోదా ఇవ్వాలని జేడీయూ చేస్తున్న డిమాండును కాషాయ పార్టీ పట్టించుకోకపోవడం విచారకరం. మోదీజీ మీ ప్రియ మిత్రుడు నితీశ్ కుమార్ డిమాండ్ ను నెరవేర్చండి అంటూ ఆమె పేర్కొన్నారు.
Meira Kumar Comment
ఎన్‌డీయే కూటమి నుంచి బయటకు వచ్చి కాంగ్రెస్‌ నేతృత్వంలో ఇండియా కూటమిని ఏర్పాటు చేయడంలో కీలక పాత్ర పోషించిన బిహార్‌ ముఖ్యమంత్రి నీతీశ్‌ కుమార్ ఆ తర్వాత మళ్లీ ఎన్‌డీయేలో చేరిన సంగతి తెలిసిందే. ఈ అంశాన్ని మీరా కుమార్ పరోక్షంగా ప్రస్తావిస్తూ ప్రధాని మోదీపై విమర్శలు గుప్పించారు. ‘మమ్మల్ని మోసం చేసి మళ్లీ తన పంచన చేరిన మిత్రుణ్ని ప్రధాని కాస్తయినా గౌరవించాలి’ అని ఆమె వ్యాఖ్యానించారు. మరోవైపు జేడీయూ నేత, రాష్ట్ర మంత్రి శ్రవణ్‌ కుమార్ మాట్లాడుతూ… కాంగ్రెస్‌ సారథ్యంలోని గత యూపీఏ ప్రభుత్వం బిహార్‌కు ప్రత్యేక హోదా డిమాండును విస్మరించిందని విమర్శించారు. రాష్ట్రానికి అందాల్సిన ప్రయోజనాలను ప్రధాని మోదీ తప్పక ఇస్తారని ఆశాభావం వ్యక్తం చేశారు.
Also Read : Samvidhaan Hatya Diwas: రాజ్యాంగ హత్యా దినంగా జూన్‌ 25 ను ప్రకటించిన కేంద్రం !