Shah Rukh Khan : ఓడి పోయినా అద్భుతంగా ఆడారు

Shah Rukh Khan : ఐపీఎల్ 2022 మెగా టోర్నీలో భాగంగా జ‌రిగిన లీగ్ మ్యాచ్ లో కోల్ క‌తా నైట్ రైడ‌ర్స్ 7 ప‌రుగుల తేడాతో ఓట‌మి పాలైంది. 17 ఓవ‌ర్ల వ‌ర‌కు మ్యాచ్ మొత్తం కేకేఆర్ చేతుల్లోనే ఉంది.

ఎవ‌రూ ఊహించ‌ని రీతిలో రాజ‌స్థాన్ రాయ‌ల్స్ కు ప్రాతినిధ్యం వ‌హిస్తున్న య‌జ్వేంద్ర చ‌హ‌ల్ మ్యాజిక్ చేశాడు. అద్భుత‌మైన బంతుల‌తో కేకేఆర్ ప్లేయ‌ర్ల‌ను బోల్తా కొట్టించాడు.

ఏకంగా 4 ఓవ‌ర్ల‌లో 5 వికెట్లు తీశాడు. మ‌రో వైపు విండీస్ స్టార్ బౌల‌ర్ ఓడెమ్ మెకోమ్ సైతం స‌త్తా చాటాడు. కీల‌క‌మైన నాలుగు వికెట్లు తీసి విజ‌యంలో ముఖ్య భూమిక పోషించాడు.

కేకేఆర్ కెప్టెన్ శ్రేయ‌స్ అయ్య‌ర్ టాస్ గెలిచి ఫీల్డింగ్ ఎంచుకున్నాడు. దీంతో బ‌రిలోకి దిగిన రాజ‌స్థాన్ రాయ‌ల్స్ నిర్ణీత 20 ఓవ‌ర్ల‌లో 5 వికెట్లు కోల్పోయి 217 ప‌రుగుల భారీ స్కోర్ సాధించింది.

ఇక మైదానంలోకి దిగిన కోల్ క‌తా నైట్ రైడ‌ర్స్ చివ‌రి ఓవ‌ర్ వ‌ర‌కు పోరాడింది. అద్భుత‌మైన ప్ర‌ద‌ర్శ‌న‌తో ఆక‌ట్టుకుంది. ఆరోన్ ఫించ్ తో పాటు కెప్టెన్ అయ్య‌ర్ దుమ్ము రేపారు.

ఆర్ఆర్ లో బట్ల‌ర్, శాంస‌న్ , హిట్ మైర్ మెరిస్తే ఇక్క‌డ వీరిద్ద‌రూ కీల‌కంగా ఆడారు. ఈ త‌రుణంలో ఎవ‌రూ ఊహించ‌ని రీతిలో ఓట‌మిని ఎవ‌రూ జీర్ణించు కోవ‌డం లేదు కేకేఆర్ ను.

ఇదిలా ఉండ‌గా కేకేఆర్ జ‌ట్టు స‌హ య‌జ‌మాని , ప్ర‌ముఖ బాలీవుడ్ న‌టుడు షారుఖ్ ఖాన్(Shah Rukh Khan) స్పందించాడు. ట్విట్ట‌ర్ వేదిక‌గా చివ‌రి దాకా అద్భుతంగా ఆడారంటూ కితాబు ఇచ్చాడు.

వెల్ డ‌న్ బాయ్స్ అంటూ వెన్నుత‌ట్టాడు షారుఖ్ ఖాన్. ఏది ఏమైనా ఈ మ్యాచ్ ఫ్యాన్స్ కు భ‌లే కిక్కు ఇచ్చింది.

Also Read : ఫించ్ మెరిసినా అయ్య‌ర్ ఆడినా ఓట‌మే