Hazlewood IPL 2022 : ల‌క్నోను క‌ట్ట‌డి చేసిన హాజ‌ల్ వుడ్

Hazlewood IPL 2022 : ఐపీఎల్ 2022లో కోల్ క‌తా వేదిక‌గా ఈడెన్ గార్డెన్ లో జ‌రిగిన కీల‌క‌మైన ఎలిమినేట‌ర్ మ్యాచ్ లో ఊహించని రీతిలో షాక్ త‌గిలింది ల‌క్నో సూప‌ర్ జెయింట్స్ కు. కేవ‌లం అదృష్టంతో ప్లే ఆఫ్స్ కు చేరుకున్న ఆర్సీబీ స‌త్తా చాటింది.

ముందుగా బ్యాటింగ్ చేసిన ఆ జ‌ట్టు 20 ఓవ‌ర్ల‌లో 4 వికెట్లు కోల్పోయి 207 ర‌న్స్ చేసింది. ర‌జ‌త్ ప‌టిదార్ 112 , దినేశ్ కార్తీక్ చెల‌రేగి ఆడారు. అనంత‌రం భారీ టార్గెట్ తో బ‌రిలోకి దిగిన ల‌క్నో సూప‌ర్ జెయింట్స్ ను క‌ట్ట‌డి చేయ‌డంలో స‌క్సెస్ అయ్యారు ఆర్సీబీ బౌల‌ర్లు.

ల‌క్నో ప‌త‌నాన్ని శాసించాడు హాజ‌ల్ వుడ్. ఏకంగా మ‌నోడు 3 వికెట్లు తీశాడు. సిరాజ్ ఒకటి, హ‌స‌రంగ 1, హ‌ర్ష‌ల్ ఒక వికెట్ తీశారు. ల‌క్నో ఓపెన‌ర్ క్వింట‌న్ డికాక్ ను సిరాజ్ దెబ్బ కొట్టాడు. డుప్లెసిస్ అద్భుత క్యాచ్ తో వెనుదిరిగాడు.

79 ప‌రుగులతో ధాటిగా ఆడుతున్న కెప్టెన్ కేఎల్ రాహుల్ ను పెవిలియ‌న్ బాట ప‌ట్టించాడు హాజ‌ల్ వుడ్(Hazlewood IPL 2022). స‌హ‌బాజ్ క్యాచ్ ప‌ట్ట‌డంతో వెనుదిరిగాడు. వోహ్రా 19 ప‌రుగులు చేయ‌గా ష‌హ‌బాజ్ క్యాచ్ ప‌ట్ట‌డంతో హాజ‌ల్ వుడ్ బోల్తా కొట్టించాడు.

సిక్స‌ర్ల మోత మోగిస్తున్న మ‌రో స్టార్ హిట్ట‌ర్ దీప‌క్ హుడాను శ్రీ‌లంక బౌల‌ర్ హ‌స‌రంగ అద్భుత‌మైన బంతికి బౌల్డ్ చేశాడు. ఇక స్టొయినిస్ ను 9 ప‌రుగుల‌కే పెవిలియ‌న్ కు వెళ్లేలా చేశాడు హ‌ర్ష‌ల్ ప‌టేల్.

కృనాల్ పాండ్యాను హాజ‌ల్ వుడ్ అద్భుత‌మైన బంతికి తానే ప‌ట్టుకుని ఔట్ చేశాడు. లూయిస్ 2 ప‌రుగుల‌తో చ‌మీరా 11 ప‌రుగుల‌తో నాటౌట్ గా నిలిచారు. దీంతో రాయ‌ల్ చాలెంజ‌ర్స్ బెంగ‌ళూరు 14 ప‌రుగుల తేడాతో ల‌క్నోపై జ‌య‌కేత‌నం ఎగుర వేసింది.

Also Read : దినేష్ కార్తీక్ జోర్దార్ ఇన్నింగ్స్