RCB Win IPL 2022 : వ‌రించిన అదృష్టం బెంగ‌ళూరు విజ‌యం

RCB Win IPL 2022 : అన్ క్యాప్ డ్ ప్లేయ‌ర్ ర‌జ‌త్ ప‌టిదార్ ఐపీఎల్ 2022లో సెంచ‌రీ చేయ‌డం చాలా అరుదు. ప‌టిదార్ తో పాటు స్టార్ ఫినిష‌ర్ దినేష్ కార్తీక్ మెరిశాడు. కానీ మొత్తంగా 14 ర‌న్స్ తేడాతో విజ‌యం సాధించింది రాయ‌ల్ చాలెంజ‌ర్స్ బెంగ‌ళూరు(RCB Win IPL 2022).

ఇది ఎవ‌రూ ఊహించ‌ని ఫ‌లితం అని చెప్ప‌క త‌ప్ప‌దు. ఈసారి ఐపీఎల్ లో రెండు కొత్త జ‌ట్లు ఎంట్రీ ఇచ్చాయి. ఒక‌టి గుజ‌రాత్ టైటాన్స్ , రెండోది ల‌క్నో సూప‌ర్ జెయింట్స్ .

ఈ రెండూ టీమ్స్ అద్భుత‌మైన ఆట తీరుతో ఆక‌ట్టుకున్నాయి. ఇప్ప‌టికే రాజ‌స్తాన్ రాయ‌ల్స్ పై 7 వికెట్ల తేడాతో ఘ‌న విజ‌యాన్ని న‌మోదు చేసింది. ఈనెల 29న అహ్మ‌దాబాద్ లోని మోదీ స్టేడియంలో జ‌రిగే ఫైన‌ల్ కు నేరుగా చేరింది.

ప్లే ఆఫ్స్ కు అనూహ్యంగా చేరింది ఆర్సీబీ. పేల‌వ‌మైన ప్ర‌ద‌ర్శ‌న‌, ర‌న్ రేట్ త‌క్కువ‌గా ఉండ‌డంతో చివ‌రి లీగ్ మ్యాచ్ ఢిల్లీ క్యాపిట‌ల్స్ , ముంబై ఇండియ‌న్స్ మ‌ధ్య జ‌రిగింది. ఆర్సీబీ ఫ్యాన్స్ , క్రికెట‌ర్లు ముంబైకి స‌పోర్ట్ చేశారు.

ఢిల్లీని దుర‌దృష్టం వెంటాడింది. చేజేతులారా ఓట‌మి పాలైంది. దీంతో రాయ‌ల్ చాలెంజ‌ర్స్ బెంగ‌ళూరుకు(RCB Win IPL 2022) ల‌క్ వ‌రించింది. ద‌ర్జాగా ప్లే ఆఫ్స్ కు చేరింది. కీల‌క‌మైన ఎలిమినేట‌ర్ మ్యాచ్ ల‌క్నో సూప‌ర్ జెయింట్స్ తో ఆడింది.

కోల్ క‌తా ఈడెన్ గార్డెన్ లో అద్భుత‌మైన ఆట తీరుతో ఆక‌ట్టుకున్నారు ర‌జ‌త్ ప‌టిదార్ , దినేష్ కార్తీక్. 41 బంతుల్లో 91 ప‌రుగులు చేశారు. మొద‌టి నుంచి ఆఖ‌రి దాకా ఉన్నాడు ప‌టిదార్.

12 ఫోర్లు 7 సిక్స‌ర్ల‌తో 112 ప‌రుగులు చేసి నాటౌట్ గా నిలిచాడు. హాజ‌ల్ వుడ్ ల‌క్నో జ‌ట్టును శాసించాడు. మొత్తంగా ఆర్సీబీని ల‌క్ గెలిపించింది.

Also Read : కొంప ముంచిన బౌలింగ్..ఫీల్డింగ్