Jos Butler IPL 2022 : రాజస్తాన్ ఆశ‌ల‌న్నీ బ‌ట్ల‌ర్ పైనే
ఐపీఎల్ టోర్నీలో టాప్ స్కోర‌ర్
Jos Butler IPL 2022 : ఇండియ‌న్ ప్రిమీయ‌ర్ లీగ్ (ఐపీఎల్) 2022 రిచ్ లీగ్ ఎట్ట‌కేల‌కు ఆదివారం తో ముగియ‌నుంది. ఇప్ప‌టికే భార‌త క్రికెట్ నియంత్ర‌ణ మండ‌లి (బీసీసీఐ) ఏర్పాట్లు చేసింది.
అర‌గంట ఆల‌స్యంగా ప్రారంభం కానుంది ఫైన‌ల్ మ్యాచ్. గుజ‌రాత్ టైటాన్స్ , రాజస్తాన్ రాయ‌ల్స్ మ‌ధ్య ఉత్కంఠ పోరు జ‌ర‌గ‌నుంది.
అటు బ్యాటింగ్ ఇటు బౌలింగ్ లో ఆల్ రౌండ్ ప్ర‌ద‌ర్శ‌న‌తో ఆక‌ట్టుకుంటున్న కొత్త జ‌ట్టు గుజ‌రాత్ టైటాన్స్ అద్భుత విజ‌యాలు న‌మోదు చేసి క్రీడాభిమానుల‌ను విస్తు పోయేలా చేసింది.
దిగ్గ‌జ జ‌ట్ల‌ను మ‌ట్టి క‌రిపించింది. ఇక ఎలాంటి అంచ‌నాలు లేకుండా బ‌రిలోకి దిగింది ఈసారి రాజస్తాన్ రాయ‌ల్స్. ఆ జ‌ట్టు స‌మిష్టి ఆట తీరుతో ఆక‌ట్టుకుంటోంది. లీగ్ మ్యాచ్ ల‌లో 9 మ్యాచ్ ల‌లో గెలుపొందింది.
పాయింట్ల ప‌ట్టిక‌లో రెండో స్థానంలో నిలిచి క్వాలిఫయిర్ -2లో రాయ‌ల్ ఛాలెంజ‌ర్స్ బెంగ‌ళూరును ఓడించి ఫైన‌ల్ కు చేరింది. 14 ఏళ్ల త‌ర్వాత ప్ర‌స్తుతం రాజస్తాన్ టైటిల్ కోసం వేచి చూస్తోంది.
ఇక రాజస్తాన్ జ‌ట్టు ప‌రంగా చూస్తే అద్భుత‌మైన ఆట‌గాళ్లు ఉన్న‌ప్ప‌టికీ అస‌లైన స‌మ‌యంలో చెత్త షాట్స్ కు వెళ్లి వికెట్ల‌ను పారేసుకుంటున్నారు. ప్ర‌ధానంగా ఆ జ‌ట్టు కెప్టెన్ సంజూ శాంస‌న్.
ఈ స్టార్ ప్లేయ‌ర్ పూర్ ప‌ర్ ఫార్మెన్స్ జ‌ట్టుకు అడ్డంకిగా మారింది. ఇక ఆ టీమ్ పూర్తిగా స్టార్ హిట్ట‌ర్ జోస్ బ‌ట్ల‌ర్(Jos Butler IPL 2022) మీద ఆధార ప‌డి ఉంది. అత‌డి ప‌ర్ ఫార్మెన్స్ పైనే జ‌ట్టు విజ‌యం ఆధార‌ప‌డి ఉంది.
Also Read : ఐపీఎల్ ఫైన‌ల్ పోరులో తుది జ‌ట్లు ఇవే