ICC T20 Rankings : ఐసీసీ టి20 ర్యాంకింగ్స్ లో బాబ‌ర్ టాప్

ICC T20 Rankings : పాకిస్తాన్ క్రికెట్ జ‌ట్టు కెప్టెన్ బాబ‌ర్ ఆజ‌మ్ మ‌రోసారి స‌త్తా చాటాడు. వ‌రుస‌గా త‌న ర్యాంకును ప‌దిలంగా కాపాడుకుంటూ వ‌స్తున్నాడు. అన్ని ఫార్మాట్ ల‌లో కంటిన్యూగా స‌త్తా చాటుతూ త‌న‌కు ఎదురే లేద‌ని చాటుతున్నాడు ఈ పాక్ క్రికెట‌ర్.

తాజాగా ఇంట‌ర్నేష‌న‌ల్ క్రికెట్ కౌన్సిల్ (ఐసీసీ) టి20 ర్యాంకింగ్స్(ICC T20 Rankings) ప్ర‌క‌టించంది. మ‌రోసారి టాప్ లో నిలిచాడు బాబ‌ర్ ఆజ‌మ్. 818 పాయింట్లు సాధించాడు.

అంతే కాదు ఎక్కువ కాలం పాటు నెంబ‌ర్ వ‌న్ గా ఉన్న క్రికెట‌ర్ గా అరుదైన ఘ‌న‌త సాధించాడు పాకిస్తాన్ కెప్టెన్. ఈ రికార్డు గ‌తంలో భార‌త స్టార్ ప్లేయ‌ర్, మాజీ కెప్టెన్ విరాట్ కోహ్లీ మీద ఉండేది.

కానీ దానిని తుడిచి వేశాడు ఈ స్కిప్ప‌ర్. ఈ ఏడాది కోహ్లీ ఎక్కువ మ్యాచ్ లు ఆడ‌లేక పోయాడు. అయినా పేల‌వ‌మైన ఫామ్ తో ప‌రుగులు చేసేందుకు నానా తంటాలు ప‌డుతున్నాడు.

ప్ర‌స్తుతం ఇంగ్లాండ్ టూర్ అత‌డికి అగ్ని ప‌రీక్ష కానుంది. ఇక కోహ్లీ స్థానం 21కి ప‌డి పోయింది. విచిత్రం ఏమిటంటే పాకిస్తాన్ కు చెందిన మ‌రో ఆట‌గాడు రిజ్వాన్ 794 పాయింట్ల‌తో రెండో స్థానంలో నిలిచాడు.

బాబ‌ర్ కు ద‌గ్గ‌ర‌లో ఉండ‌డం విశేషం. పై రెండు స్థానాలు పాకిస్తాన్ ఆట‌గాళ్ల మ‌ధ్యే ఉండ‌డం గ‌మ‌నార్హం. టాప్ 10 జాబితాలో భార‌త జ‌ట్టు నుంచి ఇషాన్ కిషన్ ఒక్క‌డికే చాన్స్ ద‌క్కింది.

అత‌డికి ఏడో ర్యాంక్ లో ఉన్నాడు. మార్క‌ర‌మ్ 757 , మ‌లాన్ 728, ఫించ్ 716, కాన్వే 703 , నిస్సంక 661 , గ‌ప్తిల్ 658 , డ‌స్సెన్ 658 స్థానాలు వ‌రుస‌గా నిలిచారు.

Also Read : లంకేయుల హృద‌యాల్లో వార్న్ ప‌దిలం