Sini Shetty : ఫెమినా మిస్ ఇండియాగా సినీ శెట్టి

Sini Shetty : క‌ర్ణాట‌క‌కు చెందిన సినీ శెట్టి 2022 ఏడాదికి గాను ఫెమినా మిస్ ఇండియా కిరీటాన్ని కైవ‌సం చేసుకున్నారు. అందాల పోటీల్లో భాగంగా న్యాయ నిర్ణేత‌లు వేసిన ప‌లు ప్ర‌శ్న‌ల‌కు ఆమె సంతృప్తిక‌రంగా స‌మాధానం ఇచ్చారు.

ఉత్త‌మ ప్ర‌తిభ‌ను క‌న‌బ‌ర్చింది. అందం ప‌రంగా ఆక‌ట్టుకుంది. అంతిమంగా విజేతంగా నిలిచింది. ముంబై లోని జియో వ‌ర‌ల్డ్ క‌న్వెన్ష‌న్ సెంట‌ర్ లోని మిస్ ఇండియా గ్రాండ్ ఫినాలే క‌న్నుల పండువ‌గా సాగింది.

ఈ అందాల పోటీల వేడుక‌ల్లో బాలీవుడ్ కు చెందిన సినీ స్టార్స్ నేహా ధూపియా, మ‌లైకా అరోరా, డినో మోరియా, డిజైన‌ర్లు రోహిత్ గాంధీ, రాహుల్ ఖ‌న్నా , కొరియో గ్రాఫ‌ర్ శియామ‌క్ దావ‌ర్ , మాజీ క్రికెట‌ర్ మిథాలీ రాజ్ జ్యూరీ ప్యాన‌ల్ గా వ్య‌వ‌హ‌రించారు.

ఈ మొత్తం పోటీల్లో క‌ర్ణాట‌క‌కు చెందిన మోడ‌ల్ సినీ శెట్టి విజేత‌గా నిలిచింది. రాజ‌స్థాన్ కు చెందిన రూబ‌ల్ శెఖావ‌త్ మొద‌టి ర‌న్న‌ర‌ప్ గా నిలిచారు. ఇక ఉత్త‌ర ప్ర‌దేశ్ కు చెందిన చౌహాన్ రెండో ర‌న్న‌ర‌ప్ గా ఎంపిక‌య్యారు.

ప్ర‌స్తుతం మిస్ ఇండియాగా గెలుపొందిన సినీ శెట్టికి(Sini Shetty) 21 ఏళ్లు. ఈ సంద‌ర్భంగా విజేత‌గా నిల‌వ‌డంపై స్పందించారు సినీ శెట్టి. తాను క‌ల‌లో కూడా ఎప్పుడూ అనుకోలేద‌న్నారు.

ఈ స్థాయికి చేరుకుంటాన‌ని, మిస్ ఇండియా విన్న‌ర్ అవుతాన‌ని. ఇప్ప‌టి వ‌ర‌కు సాగిన జ‌ర్నీ చాలా సంతృప్తిక‌రంగా ఉంద‌న్నారు. ఈ ప్ర‌యాణంలో నాకు స‌హ‌క‌రించినందుకు ధ‌న్య‌వాదాలు తెలియ చేస్తున్న‌ట్లు చెప్పారు సినీ శెట్టి.

ప్ర‌స్తుతం ఫెమీనా మిస్ ఇండియా 2022 విన్న‌ర్ గా నిలిచినందుకు సోష‌ల్ మీడియాలో శుభాకాంక్ష‌లు తెలిపారు.

Also Read : ప‌వార్ పై కేత‌కి చితాలే షాకింగ్ కామెంట్స్

When dreams turned into reality 👑
.
.
.
.
.#SiniShetty #MissIndiaFinale2022 #MissIndia2022 #FeminaMissIndia2022 #MissIndia pic.twitter.com/VmXwWjN7Uz

— Sini Shetty (@sini_shetty) July 4, 2022