ఇంగ్లండ్ టెస్ట్ బ్యాటింగ్ కోచ్ గా మైక్ హస్సీ
క్రికెట్ బోర్డు ప్రతిపాదనకు మాజీ క్రికెటర్ ఓకే
ఇంగ్లండ్ :యాషెస్ సిరీస్ కోసం ఇంగ్లాండ్ టెస్ట్ బ్యాటింగ్ కోచ్గా చేరడానికి ఆస్ట్రేలియా మాజీ ఆటగాడు మైక్ హస్సీ సుముఖత వ్యక్తం చేశారు. ఇంగ్లాండ్ కొత్త ‘రెడ్-బాల్’ కోచ్ స్టీఫెన్ ఫ్లెమింగ్ నుండి హస్సీకి అనధికారికంగా ఈ ప్రతిపాదన వచ్చింది. వీరిద్దరూ గతంలో ఐపీఎల్ జట్టు చెన్నై సూపర్ కింగ్స్లో సహచరులుగా , కోచ్లుగా 15 ఏళ్లపాటు కలిసి పనిచేశారు. మైక్ హస్సీ బ్యాటింగ్ పరంగా ఆస్ట్రేలియా జట్టుకు లెక్కలేనన్ని విజయాలను సమకూర్చి పెట్టడంలో కీలక పాత్ర పోషించారు. ఇదిలా ఉండగా శుక్రవారం మైక్ హస్సీ బ్యాటింగ్ కోచ్ గా ఇచ్చిన ఆఫర్ గురించి ప్రత్యేకంగా ప్రస్తావించాడు. తనకు ఆఫర్ వచ్చింది వాస్తవమేనని ధ్రువీకరించాడు హస్సీ. దీనివల్ల ఆయన యాషెస్ సిరీస్లో తన సొంత దేశానికి వ్యతిరేకంగా పనిచేసే అవకాశం ఉంది.
మరో వైపు ఇంగ్లండ్ జట్టు కోచ్ గా ఇప్పటికే బాధ్యతలు చేపట్టాడు స్టీఫెన్ ఫ్లెమింగ్. తనతో కలిసి చేసిన అనుభవం తమకు కలిసి వస్తుందని పేర్కొన్నాడు ఈ సందర్బంగా మైక్ హస్సీ. తన సాంకేతిక నైపుణ్యంతో మిస్టర్ క్రికెట్ గా పేరుపొందిన హస్సీ, ‘ది హండ్రెడ్’ టోర్నమెంట్లో ‘వెల్ష్ ఫైర్’ జట్టుకు కోచింగ్ ఇచ్చి ఇటీవలే స్వదేశానికి తిరిగి వచ్చారు; దీనిపై తాను ఇంకా పూర్తిగా ఆలోచించలేదని చెప్పారు. నాకు కోచింగ్ అంటే చాలా ఇష్టం, అలాగే వివిధ రకాల ఆటగాళ్లతో కలిసి పనిచేయడం కూడా ఇష్టమేననిఆయన పేర్కొన్నారు. ఒకవేళ హస్సీ ఈ ప్రతిపాదనను అంగీకరిస్తే, వచ్చే ఏడాది యాషెస్ సిరీస్ కోసం ఆస్ట్రేలియా జట్టు ఇంగ్లాండ్లో పర్యటించినప్పుడు, ఫ్లెమింగ్తో కలిసి ఆస్ట్రేలియా ఓటమికి వ్యూహరచన చేసే అవకాశం ఉంటుంది.