PM Modi : సీఎం గెహ్లాట్ నాకంటే సీనియ‌ర్ – మోదీ

PM Modi : ప్ర‌ధాన మంత్రి న‌రేంద్ర మోదీ ఆస‌క్తిక‌ర వ్యాఖ్య‌లు చేశారు. ప్ర‌ధానంగా కాంగ్రెస్ పార్టీకి చెందిన సీనియ‌ర్ నాయ‌కుడు, రాజస్థాన్ సీఎం అశోక్ గెహ్లాట్ ను ప్ర‌శంస‌ల‌తో ముంచెత్తారు. అత్యంత అనుభ‌వం క‌లిగిన రాజ‌కీయ నాయ‌కుల‌లో ఆయ‌న కూడా ఒక‌రు అని పేర్కొన్నారు ప్ర‌ధాన‌మంత్రి.

అశోక్ గెహ్లాట్ నేను ముఖ్య‌మంత్రులుగా క‌లిసి ప‌ని చేశాం. ఎంతో కాలం క‌లిసి ఉన్నాం. మేమిద్ద‌రం ఒకే అభిప్రాయాల‌తో ఉన్న‌ప్ప‌టికీ భావ సారూప్యతలో , సిద్దాంతాల వైరుధ్యాల పరంగా ఉన్నా క‌లిసి మాట్లాడు కోవ‌డంలో ఎన్న‌డూ వెనుకంజ వేయ‌లేద‌న్నారు న‌రేంద్ర మోదీ(PM Modi) .

రాజ‌కీయం వేరు పాల‌నా నైపుణ్యం వేరు ఈ రెండూ క‌లగ‌లిసిన అరుదైన నాయ‌కుడు అశోక్ గెహ్లాట్ అంటూ కితాబు ఇచ్చారు ప్ర‌ధాన మంత్రి. ఈ మ‌ధ్య కాలంలో కాంగ్రెస్ పార్టీకి చెందిన నాయ‌కుడిని ఇలా పొగ‌డ్త‌ల‌తో ముంచెత్త‌డం ఇదే మొద‌టిసారి కావ‌డం విశేషం. ఇప్పుడున్న సీఎంల‌లో మోస్ట్ సీనియ‌ర్ సీఎం ఎవ‌రైనా ఉన్నారంటే ఆయ‌నే రాజ‌స్థాన్ సీఎం అశోక్ గెహ్లాట్(Ashok Gehlot) అని పేర్కొన్నారు మోదీ.

నాకు ఆయ‌నంటే గౌర‌వం ఉంది. అంత‌కంటే మా ఇద్ద‌రి మ‌ధ్య పార్టీల‌కు అతీత‌మైన స్నేహం ఉంద‌న్నారు ప్ర‌ధాన‌మంత్రి. ఇదిలా ఉండ‌గా సీఎం గెహ్లాట్ పై మోదీ చేసిన వ్యాఖ్య‌లు, ప్ర‌శంస‌లు సోష‌ల్ మీడియాను షేక్ చేస్తున్నాయి. ఈ వ‌య‌స్సులో కూడా పాల‌న‌లో త‌న‌దైన ముద్ర వేయ‌డం మామూలు విష‌యం కాద‌న్నారు.

ఇదిలా ఉండ‌గా సీఎం ఇచ్చిన విన‌తిప‌త్రాన్ని, కోరిన కోర్కెల‌ను త్వ‌ర‌లో తీరుస్తాన‌ని హామీ ఇచ్చారు ప్ర‌ధాన‌మంత్రి.

Also Read : నాటి జాతిపిత వ‌ల్లే నేటి మోదీకి గుర్తింపు