Assam CM Rahul : రాహుల్ ను స‌ద్దాంతో పోల్చిన సీఎం

Assam CM Rahul : అస్సాం సీఎం హిమంత బిస్వా శ‌ర్మ సంచ‌ల‌న కామెంట్స్ చేశారు. ఈమ‌ధ్య‌న వ్య‌క్తిగ‌త దూష‌ణ‌ల‌కు దిగ‌డం విస్తు పోయేలా చేసింది. భార‌త్ జోడో యాత్ర‌ను చేప‌ట్టిన రాహుల్ గాంధీ(Rahul Gandhi) కేంద్రాన్ని టార్గెట్ చేస్తే హిమంత రాహుల్ ను ల‌క్ష్యంగా చేసుకుని ఆరోప‌ణ‌లు చేస్తున్నారు.

బుధ‌వారం ఏకంగా ఇరాక్ అధ్య‌క్షుడిగా ఉరి తీత‌కు గురైన స‌ద్దాం హుస్సేన్ తో రాహుల్ గాంధీని పోల్చ‌డం క‌ల‌క‌లం రేపింది. త‌న‌కు స‌ద్దాం లాగా క‌నిపిస్తున్నాడంటూ ఎద్దేవా చేస్తున్నారు. ఇదిలా ఉండ‌గా పాద‌యాత్ర‌లో రాహుల్ గాంధీ గ‌డ్డంతో క‌నిపించారు.

స‌ర్దార్ ప‌టేల్ , జ‌వ‌హ‌ర్ లాల్ నెహ్రూ లేదా మ‌హాత్మా గాంధీగా రాహుల్ క‌నిపించ‌డం లేద‌ని ఇరాక్ నియంత స‌ద్దాం లాగా త‌న‌కు క‌నిపిస్తున్నారంటూ ఆరోపించారు. రాహుల్ ను వ్య‌క్తిగ‌తంగా టార్గెట్ చేయ‌డాన్ని కాంగ్రెస్ సీనియ‌ర్ నాయ‌కుడు మ‌నీష్ తివారీ సీరియ‌స్ గా స్పందించారు.

ఇదిలా ఉండ‌గా గుజ‌రాత్ లోని అహ్మ‌దాబాద్ లో జ‌రిగిన ఓ బ‌హిరంగ స‌భ‌లో పాల్గొన్నారు అస్సాం సీఎం(Assam CM)  హిమంత బిస్వా శ‌ర్మ‌. ఈ సంద‌ర్భంగా రాహుల్ పై కీల‌క వ్యాఖ్య‌లు చేశారు. ఆయ‌న కొత్త లుక్ తో త‌న‌కు అభ్యంత‌రం లేద‌న్నారు. కానీ ఆయ‌న దేని కోసం పాద‌యాత్ర చేస్తున్నారో రాహుల్ కే తెలియ‌డం లేదంటూ మండిప‌డ్డారు.

రాష్ట్రానికి సీఎం కాలేని వ్య‌క్తి దేశానికి పీఎం ఎలా అవుతారంటూ ప్ర‌శ్నించారు. గుజ‌రాత్ లో బీజేపీకి ఢోకా లేద‌ని కాంగ్రెస్, ఆమ్ ఆద్మీ పార్టీల‌కు సీన్ లేద‌న్నారు.

Also Read : ఆరోప‌ణ‌లు అబ‌ద్దం విమ‌ర్శ‌లు అవాస్త‌వం