IND vs NZ ODI Tickets : హాట్ కేకుల్లా టికెట్లు సేల్

IND vs NZ ODI Tickets : భార‌త‌, న్యూజిలాండ్ జ‌ట్ల మ‌ధ్య జ‌రిగే వ‌న్డే మ్యాచ్ కోసం హైద‌రాబాద్ ముస్తాబైంది. ఉప్ప‌ల్ స్టేడియంలో జ‌రిగే వ‌న్డే మ్యాచ్ కోసం హైద‌రాబాద్ క్రికెట్ అసోసియేష‌న్ ( హెచ్ సీ ఏ) భారీ ఏర్పాట్లు చేసింది. ఇప్ప‌టికే క్రీడా సంస్థ పేటీఎంతో జ‌త క‌ట్టింది. ఇక వ‌న్డే మ్యాచ్ కోసం పెద్ద ఎత్తున ఏర్పాట్లు చేసింది.

గ‌తంలో జ‌రిగిన పొర‌పాట్ల‌ను దృష్టిలో పెట్టుకుని ఈసారి ఎలాంటి పొర‌పాట్లు లేకుండా ముంద‌స్తుగానే టికెట్ల‌ను(IND vs NZ ODI Tickets)  విక్ర‌యించే ప‌నిలో ప‌డింది. టికెట్ల జారీ చేసింది ఏకంగా 16 కౌంట‌ర్ల‌ను ఏర్పాటు చేసింది. ఆన్ లైన్ లో పెట్టిన కొద్ది సేప‌ట్లోనే టికెట్లు అమ్ముడు పోయాయి. ఇదిలా ఉండ‌గా జ‌న‌వ‌రి 18న హైద‌రాబాద్ లోని ఉప్ప‌ల్ స్టేడియంలో క్రికెట్ మ్యాచ్ జ‌ర‌గ‌నుంది.

ఇప్ప‌టి దాకా ఆన్ లైన్ లో టికెట్లు పొందిన వారికి సోమ‌వారం నుంచి టికెట్ల‌ను జారీ చేస్తారు. ఇందుకు గాను హైద‌రాబాద్ లోని గ‌చ్చి బౌలి స్టేడియం, ఎల్బీ స్టేడియంలో ప్ర‌త్యేకంగా కౌంట‌ర్ల‌ను ఏర్పాటు చేశారు. ఇప్ప‌టికే ఆన్ లైన్ లో న‌మోదు చేసుకున్న వారికి మెస్సేజ్ వ‌స్తుంది. దానిని చూపిస్తేనే స్టేడియంలోకి అనుమ‌తి ఇస్తారు.

ఇక ఎల్బీ స్టేడియంలో 8 కౌంట‌ర్లు , గ‌చ్చి బౌలిలో 8 కౌంట‌ర్ల‌ను ఏర్పాటు చేశారు. ఇందుకు గాను 150 మందికి పైగా పోలీసు సీబ్బందిని మోహ‌రించారు. మ‌రో వైపు ఎలాంటి ఇబ్బందులు త‌లెత్త‌కుండా మ‌హిళ‌లు, పురుషుల కోసం ప్ర‌త్యేకంగా క్యూ లైన్లు ఏర్పాటు చేసింది హైద‌రాబాద్ క్రికెట్ అసోసియేష‌న్.

Also Read : అంద‌రి చూపు ఉప్ప‌ల్ వైపు