Shatrughan Sinha Modi : బీజేపీ వ‌న్ మ్యాన్ షోగా మారింది

Shatrughan Sinha Modi : తృణ‌మూల్ కాంగ్రెస్ పార్టీ ఎంపీ , ప్ర‌ముఖ న‌టుడు శ‌తృఘ్న సిన్హా షాకింగ్ కామెంట్స్ చేశారు. ఆయ‌న భార‌తీయ జ‌న‌తా పార్టీని, ప్ర‌ధాన‌మంత్రి న‌రేంద్ర మోదీని(Shatrughan Sinha Modi) టార్గెట్ చేశారు. ప్ర‌స్తుతం బీజేపీ వ‌న్ మ్యాన్ షోగా మారింద‌ని ఎద్దేవా చేశారు.

ఇదే క్ర‌మంలో రాబోయే సార్వ‌త్రిక ఎన్నిక‌ల గురించి కూడా కీల‌క కామెంట్స్ చేశారు. ప్ర‌ధానిగా తిరిగి రాకుండా ఎవ‌రు ఆపాల‌నే విష‌యంపై స్ప‌ష్టంగా ఉండాల‌ని అన్నారు సిన్హా. ప్ర‌స్తుతం నా స్నేహితుడైన న‌రేంద్ర మోదీకి మంచి రోజులు ముగిసిన‌ట్లు అనిపిస్తోంద‌న్నారు. ఇదిలా ఉండ‌గా నాలుగు సంవ‌త్స‌రాల కిందంట శ‌తృఘ్న సిన్హా భార‌తీయ జ‌న‌తా పార్టీని వీడారు.

బీజేపీలో నెంబ‌ర్ టు త్రీ అంటూ ఏవీ లేవ‌న్నారు. కేవ‌లం ఒకే ఒక‌రిగా మారి పోయింద‌ని ఎద్దేవా చేశారు టీఎంసీ ఎంపీ. త‌మ పార్టీకి చెందిన నాయ‌కురాలు, సీఎం మ‌మ‌తా బెన‌ర్జీ రాబోయే ఎన్నిక‌ల్లో గేమ్ ఛేంజ‌ర్ గా మార‌డం ఖాయ‌మ‌న్నారు. ఇందులో ఎలాంటి అనుమానం లేద‌న్నారు. ఇవాళ భావ‌సారూప్య‌త క‌లిగిన పార్టీల‌న్నీ ఏకం కావాల్సిన అవ‌స‌రం ఉంద‌న్నారు సిన్హా(Shatrughan Sinha). లేక పోతే బీజేపీకి మ‌ళ్లీ ఛాన్స్ ఇచ్చిన వాళ్లం అవుతామ‌ని అభిప్రాయ‌ప‌డ్డారు.

నాయ‌కుడు ఎవ‌ర‌నే దానిపై ప్ర‌తిప‌క్షాల‌లో చ‌ర్చ విప‌రీతంగా జ‌రుగుతోంది. ఇది ఇప్పుడు అవ‌స‌ర‌మ‌ని నేను అనుకోవ‌డం లేద‌న్నారు సిన్హా. ఆనాటి నెహ్రూ నుంచి నేటికీ ఇదే కొన‌సాగుతోంద‌న్నారు. ముందు ఒక ప్లాట్ ఫార‌మ్ మీద‌కు వ‌స్తే ఆ త‌ర్వాత ఎవ‌రు పీఎం అవుతార‌నేది తేలుతుంద‌న్నారు శ‌తృఘ్న సిన్హా.

Also Read : కాంగ్రెస్ పార్టీకి సీఆర్ కేశ‌వ‌న్ గుడ్ బై