సితార ఘట్టమనేని వీడియో వైరల్

హైద‌రాబాద్ : మ‌ల‌యాళ న‌టుడు ఫహద్ ఫాజిల్ నటించిన తాజా చిత్రం డోంట్ ట్రబుల్ ది ట్రబుల్ మూవీ జాతిపిత మ‌హాత్మా గాంధీ జ‌యంతి సంద‌ర్బంగా అక్టోబ‌ర్ క్టోబర్ 2న థియేటర్లలో విడుదలైంది. ప్రేక్ష‌కుల ముందుకు వ‌చ్చింది. ప్రేక్షకుల నుండి మిశ్రమ స్పందనను పొందుతోంది. శశాంక్ యేలేటి దర్శకత్వం వహించిన ఈ చిత్రాన్ని పిల్లలు, కుటుంబ ప్రేక్షకులను దృష్టిలో ఉంచుకుని ఒక ఫ్యామిలీ ఎంటర్‌టైనర్‌గా రూపొందించారు. ఈ సినిమాను చూసిన పలువురు ప్రముఖులు ఇప్పటికే చిత్ర బృందాన్ని అభినందించారు. సూపర్ స్టార్ మహేష్ బాబు కుమార్తె సితార ఘట్టమనేని నటించిన ఒక ప్రచార వీడియో ఇప్పుడు సోషల్ మీడియా వినియోగదారుల దృష్టిని ఆకర్షించింది .డోంట్ ట్రబుల్ ది ట్రబుల్’ ప్రచార కార్యక్రమంలో భాగంగా ప్రిన్స్ మ‌హేష్ బాబు ముద్దుల కూతురు సితార ఘ‌ట్ట‌మ‌నేని ఈ సినిమా , దానిలోని వివిధ అంశాల గురించి మాట్లాడుతూ ఒక వీడియోలో కనిపించింది. ఆమె చేసిన వ్యాఖ్యలు , తన అభిప్రాయాలను వ్యక్తీకరించిన తీరు నెటిజన్ల మధ్య చర్చకు దారితీసేలా చేశాయి.

ఈ వీడియో ముఖ్యంగా మహేష్ బాబు అభిమానులను ఆకట్టుకుంది. చిన్న వయసులోనే ఎంతో ఆత్మ విశ్వాసంతో మాట్లాడటం, తన భావాలను స్పష్టంగా చెప్పడం పట్ల పలువురు అభిమానులు సితారను ప్రశంసించారు. ప్రచార వీడియోలో ఆమె ఆత్మ విశ్వాసంతో కూడిన ప్రవర్తన ఆన్‌లైన్‌లో అనేక సానుకూల స్పందనలను రాబట్టింది. ప్రస్తుతం ఈ వీడియో క్లిప్ సోషల్ మీడియా ప్లాట్‌ఫారమ్‌లలో విస్తృతంగా షేర్ అవుతోంది. అభిమానులు , నెటిజన్లు సినిమా ప్రచారంలో సితార భాగస్వామ్యం గురించి చర్చించుకుంటున్నారు. ‘డోంట్ ట్రబుల్ ది ట్రబుల్’ చిత్రంలో ఫహద్ ఫాజిల్ ప్రధాన పాత్ర పోషించగా బేబీ సారా, సౌరభ్ సచ్‌దేవా కీలక పాత్రల్లో నటించారు.

ఈ ప్రాజెక్ట్‌ను ఎస్.ఎస్. రాజమౌళి సమర్పిస్తుండగా, ఆర్కా మీడియా వర్క్స్ , షోయింగ్ బిజినెస్ బ్యానర్‌లపై శోభు యార్లగడ్డ, ప్రసాద్ దేవినేని , ఎస్.ఎస్. కార్తికేయ నిర్మించారు.