మ‌హేష్ బాబు వార‌ణాసి వీడియో లీక్ వైర‌ల్

హైద‌రాబాద్ : దిగ్గ‌జ ద‌ర్శ‌కుడు ఎస్ఎస్ రాజ‌మౌళి ద‌ర్శ‌క‌త్వం వ‌హిస్తున్న ప్ర‌తిష్టాత్మ‌క‌మైన ప్రాజెక్టు వార‌ణాసి మూవీ. ఇందులో కీల‌క పాత్ర‌లు పోషిస్తున్నారు మ‌హేష్ బాబు, ప్రియాంక చోప్రా. పెద్ద ఎత్తున ఎంపిక చేసిన ప్ర‌దేశాల‌లో చిత్రీకర‌ణ జ‌రుగుతోంది. తాజాగా వార‌ణాసి చిత్రానికి సంబంధించి ఓ క్లిప్ వీడియో వైర‌ల్ అవుతోంది. ‘బిహైండ్-ది-సీన్స్’ వీడియో లీక్ అయ్యి వైరల్ అవుతోంది. ఈ చిత్రం 2027 ఏప్రిల్ 7న థియేటర్లలో విడుదల కానుంది. మహేష్ బాబు ప్రధాన పాత్రలో నటిస్తున్న ‘వారణాసి’ చిత్రం ఈ ఏడాది అత్యంత ఆసక్తిగా ఎదురు చూస్తున్న సినిమాల్లో ఒకటి అనడంలో సందేహం లేదు. ప్రస్తుతం నిర్మాణ దశలో ఉన్న ఈ సినిమాకు సంబంధించి ఆగస్టు 9న ప్రిన్స్ మ‌హేష్‌ బాబు పుట్టినరోజు. ఏదైనా ప్రత్యేక అప్‌డేట్ లేదా టీజర్‌ను చిత్ర బృందం విడుదల చేస్తుందని అభిమానులు ఆశగా ఎదురు చూస్తున్నారు.

అయితే ఊహించని విధంగా 25 సెకన్ల నిడివి గల ఒక ‘బిహైండ్-ది-సీన్స్’ వీడియో లీక్ అయ్యి సోషల్ మీడియా ప్లాట్‌ఫారమ్‌లలో వేగంగా వైరల్ అయింది. చిత్ర బృందం ఆ క్లిప్‌ను తొలగించడానికి ప్రయత్నించినప్పటికీ, అప్పటికే అది ప్రేక్షకుల మధ్య విస్తృతంగా వ్యాపించింది. ఈ తాజా లీక్ చిత్ర బృందంలోనూ, అభిమానులలోనూ ఆందోళన కలిగించింది. భవిష్యత్తులో ఇలాంటి సంఘటనలు జరగకుండా సెట్‌లో భద్రతను కట్టుదిట్టం చేయాలని పలువురు అభిమానులు చిత్ర నిర్మాతలను కోరుతున్నారు. ఇలాంటి లీక్‌లు జరిగినప్పటికీ, ఈ సినిమాపై అంచనాలు మాత్రం అత్యున్నత స్థాయిలో ఉన్నాయి. చిత్ర బృందం ఇప్పుడు రామోజీ ఫిల్మ్ సిటీలో కొత్త షూటింగ్ షెడ్యూల్‌ను ప్రారంభించడానికి సిద్ధమవుతోంది. ఎస్.ఎస్. రాజమౌళి దర్శకత్వం వహిస్తున్న ఈ చిత్రంలో పృథ్వీరాజ్ సుకుమారన్ కూడా కీలక పాత్రలు పోషిస్తున్నారు. ఈ చిత్రం 2027 ఏప్రిల్ 7న థియేటర్లలో విడుదల కానుంది.