కీలక సంస్కరణలకు దేవాదాయ శాఖ శ్రీకారం
సమర్తవంతంగా ఆన్ లైన్ బుకింగ్ విధానం
చెన్నై : తమిళనాడులో కొలువు తీరిన టీవీకే కూటమి సర్కార్ ప్రజలకు మేలు చేకూర్చేలా చర్యలు తీసుకుంటోంది. ఇప్పటికే విద్యా, వైద్యం, ఉపాధి, పారిశ్రామిక రంగాలపై దృష్టి సారించింది. మరో వైపు నిబద్దత , నిజాయితీ కలిగిన వారికే ప్రాధాన్యత ఉంటుందని ఇప్పటికే స్పష్టం చేశారు సీఎం జోసెఫ్ విజయ్ చంద్రశేఖర్. పాలనను పూర్తిగా ప్రజల వద్దకు చేర్చేందుకు నడుం బిగించారు. పార్టీ కోసం, ప్రజల పట్ల ప్రేమ కలిగిన వారికే మంత్రులుగా ఛాన్స్ ఇచ్చారు. సీఎం విజయ్ ఇచ్చిన అవకాశాన్ని వమ్ము చేయకుండా నిత్యం ప్రజల మధ్యనే ఉండేందుకు ప్రయత్నం చేస్తున్నారు మంత్రులు. ఇక తాజాగా యంగ్ అండ్ ఎనర్జటిక్ నాయకుడిగా గుర్తింపు పొందిన బ్రాహ్మణ సామాజిక వర్గానికి చెందిన రమేష్ కు కీలకమైన దేవాదాయ శాఖ అప్పగించారు సీఎం. దీంతో ఆయన బాధ్యతలు చేపట్టిన వెంటనే రంగంలోకి దిగారు. స్వయంగా ఎలాంటి హంగు ఆర్భాటం లేకుండా ఆలయాలను తనిఖీ చేశారు. గత డీఎంకే ప్రభుత్వ హయాంలో చోటు చేసుకున్న అవినీతి, అక్రమాలకు అడ్డుకట్ట వేసేందుకు చర్యలు చేపట్టారు. ఆలయ దర్శనానికి సంబంధించిన ఆన్లైన్ బుకింగ్ విధానం ప్రవేశ పెట్టింది. కానీ ఆచరణలో విఫలమైంది. ఆ విషయం ఇక్కడి ప్రజలకు, భక్తులకు తెలియక పోవడం విశేషం. కాగితాలకే పరిమితమైన పథకానికి, ప్రజలకు వాస్తవంగా చేరే పథకానికి చాలా తేడా ఉందనేది గుర్తించాలి. .కానీ అది నిజంగా సమర్థవంతంగా పనిచేసి ఉంటే, అంతమంది భక్తులు పాత విధానంతో ఎందుకు ఇబ్బంది పడేవారు?అసలు అలాంటి విధానం ఒకటి ఉందన్న విషయం చాలామందికి ఎందుకు తెలియదు? అదే అసలైన ప్రశ్న.
మెరుగు పరచబడిన విధానం, ప్రభుత్వ దృక్పథం గురించి మంత్రి రమేష్ ఇచ్చిన వివరణాత్మక వివరణ ఎంతగానో ఆకట్టుకుంది. సామాన్య ప్రజలకే ఎల్లప్పుడూ అత్యంత ప్రాధాన్యతనిచ్చేలా ముఖ్యమంత్రి’ విజయ్ ప్రభుత్వం పనిచేస్తుందని ఆయన స్పష్టం చేశారు. అందుకే ప్రభుత్వం అందరినీ కేవలం ఆన్లైన్ విధానాన్ని మాత్రమే అనుసరించేలా బలవంతం చేయడం లేదు. సాంకేతిక పరిజ్ఞానంపై అవగాహన లేని వారు కూడా ఆలయ కౌంటర్లు, ఇతర ఆఫ్లైన్ సదుపాయాల ద్వారా సేవలను పొందవచ్చు అని పేర్కొన్నారు మంత్రి. ప్రజల సంక్షేమాన్ని కేంద్రంగా చేసుకునే ప్రభుత్వం ఇలాగే పని చేయాలి. అందరూ స్మార్ట్ఫోన్లను ఉపయోగించరు. అందరికీ ఆన్లైన్ వేదికలను ఉపయోగించడం సౌకర్యవంతంగా ఉండక పోవచ్చు. ఈ వాస్తవాన్ని ప్రభుత్వం అర్థం చేసుకుంది . వాస్తవ అవసరాలకు అనుగుణంగా వ్యవస్థను మెరుగు పరచడానికి జరుగుతున్న కృషి మరొక ముఖ్యమైన విషయం.
ప్రత్యేకించి ఆలయాలకు వచ్చే వారిలో వృద్ధులు. దివ్యాంగులైన భక్తులు. గర్భిణీ స్త్రీలు, పండుగ సమయాల్లో రద్దీ నిర్వహణ, మెరుగైన దర్శన సమయాల కేటాయింపుపై ఎక్కువగా ఫోకస్ పెట్టింది సర్కార్. కేవలం డిజిటలైజేషన్ చేయడం మాత్రమే లక్ష్యం కాదు. అందరికీ దర్శనాన్ని సులభతరం చేయడం, సురక్షితం చేయడం, మరింత అందుబాటులోకి తీసుకు రావడమే . ప్రభుత్వం కేవలం ఒక వెబ్సైట్ను ప్రారంభించి, దానిని విస్మరించ కూడదు. ప్రజలకు నిజంగా ప్రయోజనం చేకూరేలా ప్రభుత్వం దానిని నిరంతరం మెరుగు పరుస్తూ ఉండాలి. విజయ్ ఈ బాధ్యతను మంత్రి రమేష్కు ఎందుకు అప్పగించారో ఆయన మరోసారి నిరూపించారు.