Messi FIFA 2022 : మెస్సీ మ్యాజిక్ క్రొయేషియాకు షాక్

Messi FIFA 2022 : మెస్సీ గురించి ప్ర‌త్యేకంగా ప‌రిచ‌యం చేయాల్సిన ప‌ని లేదు. కోట్లాది మంది అభిమానులు క‌లిగిన ఈ ఫుట్ బాల‌ర్ గురించి ఎంత చెప్పినా త‌క్కువే. మోస్ట్ పాపుల‌ర్ ప్లేయ‌ర్ల‌లో ఒక‌డు క్రిస్టియానో రొనాల్డో మ‌రొక‌డు మెస్సీ(Messi FIFA 2022) . ఇద్ద‌రూ దిగ్గ‌జ ఆట‌గాళ్లే. ఒక్క‌సారి మైదానంలోకి వ‌చ్చారంటే ప్ర‌త్య‌ర్థులు జ‌డుసు కోవాల్సిందే.

ఎంత మంది ఉన్నా స‌రే బంతిని చిక్క‌కుండా గోల్స్ సాధించ‌డంలో దిట్ట‌. ఖ‌తార్ వేదిక‌గా ఈ ఏడాది 2022 జ‌రుగుతున్న ఫిఫా వ‌ర‌ల్డ్ క‌ప్ లో ఆస‌క్తిక‌ర ప‌రిణామాలు చోటు చేసుకున్నాయి. మొత్తం 32 జ‌ట్లు పాల్గొన్నాయి. చివ‌ర‌కు ఫైన‌ల్ మాత్రం మిగిలింది.

మొత్తం సెమీ ఫైన‌ల్ కు ఫ్రాన్స్ , మొరాకోతో రెండో సెమీ ఫైన‌ల్ త‌ల‌ప‌డ‌నుండగా మంగ‌ళ‌వారం అర్ధ‌రాత్రి జ‌రిగిన కీల‌క‌మైన సెమీ ఫైన‌ల్ పోరులో మెస్సీ సార‌థ్యంలోని అర్జెంటీనా 3-0 తేడాతో క్రొయేషియాను ఓడించింది. చ‌రిత్ర సృష్టించింది. ఎనిమిది ఫిఫా వ‌ర‌ల్డ్ క‌ప్ ల‌లో ఏకంగా అర్జెంటీనా ఆరుసార్లు ఫైన‌ల్ కు చేరింది.

ఇది ఓ రికార్డు ఆ దేశానికి సంబంధించినంత వ‌ర‌కు. క్రొయేషియాతో ఘ‌న విజ‌యాన్ని న‌మోదు చేసిన అనంత‌రం మెస్సీ , అల్వారెజ్ తో క‌లిసి మైదానంలో సంద‌డి చేశాడు. త‌న సంతోషాన్ని పంచుకున్నాడు. ల‌క్ష‌లాది మంది అభిమానులు ఆనందంతో ఊగి పోయారు.

ఎలాగైనా స‌రే త‌న దేశానికి వ‌ర‌ల్డ్ క‌ప్ ను తీసుకు రావాల‌ని ప‌ట్టుద‌ల‌తో ఉన్నాడు మెస్సీ. ఎందుకంటే ఫుట్ బాల్ దిగ్గ‌జం డిగో మార‌డోనా పేరు నిల‌బెట్టాల‌ని ఫోక‌స్ పెట్టాడు.

Also Read : అర్జెంటీనా అరుదైన ఘ‌న‌త