Rishabh Pant : స్టేడియంకు రానున్న రిష‌బ్ పంత్

Rishabh Pant :  భార‌త క్రికెట్ జ‌ట్టులో మోస్ట్ పాపుల‌ర్ క్రికెట‌ర్ గా పేరు పొందాడు రిష‌బ్ పంత్. గ‌త ఏడాది ఐపీఎల్ లో ఢిల్లీ క్యాపిట‌ల్స్ కు స్కిప్ప‌ర్ గా ఉన్నాడు. ఆ త‌ర్వాత భార‌త క్రికెట్ జ‌ట్టులో వ‌రుస‌గా ఎంపిక‌వుతూ వ‌చ్చాడు. కానీ వ్య‌క్తిగ‌త ప్ర‌ద‌ర్శ‌న‌లో తీవ్ర నిరాశ ప‌రిచాడు. సోష‌ల్ మీడియా వేదిక‌గా ఎక్కువ‌గా ట్రోలింగ్ కు గుర‌య్యాడు. ఏకైక క్రికెట‌ర్ రిష‌బ్ పంత్(Rishabh Pant) కావ‌డం విశేషం.

ఆ త‌ర్వాత అనుకోని రీతిలో రిష‌బ్ పంత్ ఢిల్లీ నుంచి రాంచీకి వెళుతుండ‌గా రోడ్డు ప్ర‌మాదానికి గుర‌య్యాడు. శ‌స్త్ర చికిత్స చేయించుకున్నాడు. సుదీర్ఘ కాలం పాటు క్రికెట్ కు దూరంగా ఉన్నాడు. రిషబ్ పంత్ స్థానంలో ఢిల్లీ క్యాపిట‌ల్స్ యాజ‌మాన్యం ఆస్ట్రేలియ‌న్ స్టార్ క్రికెట‌ర్ డేవిడ్ వార్న‌ర్ కు సార‌ధ్య బాధ్య‌త‌లు అప్ప‌గించింది.

పంత్ ప్ర‌స్తుతం మైదానంలో ఆడ‌క పోయినా జ‌ట్టును మోటివేట్ చేసేందుకు, మ‌ద్ద‌తు తెలిపేందుకు మంగ‌ళ‌వారం గుజ‌రాత్ టైటాన్స్ తో జ‌రిగే మ్యాచ్ కు హాజ‌ర‌వుతాడ‌ని ఢిల్లీ డిస్ట్రిక్ట్ క్రికెట్ అసోసియేష‌న్ (డీడీసీఏ) సంయుక్త కార్య‌ద‌ర్శి రాజ‌న్ వెల్ల‌డించారు. దీంతో పంత్(Rishabh Pant) అభిమానులు త‌మ ఆట‌గాడిని చూసేందుకు ఎంతో ఆస‌క్తిని క‌న‌బ‌రుస్తున్నారు.

Also Read : కోల్ క‌తా నైట్ రైడ‌ర్స్ కు బిగ్ షాక్