RR vs DC IPL 2023 : రాజ‌స్థాన్ ఢిల్లీ నువ్వా నేనా

RR vs DC IPL 2023 : ఐపీఎల్ 16వ సీజ‌న్ లో కీల‌క‌మైన మ్యాచ్ జ‌ర‌గ‌నుంది శ‌నివారం. సంజూ సార‌థ్యంలోని రాజ‌స్తాన్ రాయ‌ల్స్ వార్న‌ర్ నాయ‌క‌త్వంలోని ఢిల్లీ క్యాపిట‌ల్స్ మ‌ధ్య కీల‌క పోరు ప్రారంభం కానుంది. ఇప్ప‌టి వ‌ర‌కు రాజ‌స్తాన్ రెండు మ్యాచ్ లు ఆడి ఒక‌టి గెల‌వ‌గా మ‌రో మ్యాచ్ పంజాబ్ తో ఓడి పోయింది. గెలుపు అంచుల దాకా వ‌చ్చి బోల్తా ప‌డింది.

ఇక ఢిల్లీ క్యాపిట‌ల్స్ పేల‌వ‌మైన ప్ర‌ద‌ర్శ‌న‌తో నిరాశ ప‌రిచింది. ఇప్ప‌టి వ‌ర‌కు ఆడిన రెండు మ్యాచ్ ల‌లోనూ ఓట‌మి పాలైంది. ఇక ఈ మ్యాచ్ లో ఎలాగైనా స‌రే స‌త్తా చాటాల‌ని ఉవ్విళ్లూరుతోంది వార్న‌ర్ సేన‌.

అస్సాం లోని బ‌ర్స‌ప‌రా స్టేడియంలో మ‌ధ్యాహ్నం 3.30 గంట‌ల‌కు ఐపీఎల్ 11వ మ్యాచ్ జ‌రుగుతుంది. కెప్టెన్ సంజూ శాంస‌న్ తొలి మ్యాచ్ లో హాఫ్ సెంచ‌రీతో ఆక‌ట్టుకోగా రెండో మ్యాచ్ లో 42 ర‌న్స్ చేశాడు. స్టార్ హిట్ట‌ర్ షిమ్రాన్ హిట్మెయ‌ర్ , ప‌డిక్క‌ల్ , రియాన్ ప‌రాగ్ , జోస్ బ‌ట్ల‌ర్ తో కూడిన ఆ జ‌ట్టు బ‌లంగా ఉంది. ఇక బౌలింగ్ ప‌రంగా టెంట్ బౌల్ట్ , చాహ‌ల్, అశ్విన్ ఉండ‌నే ఉన్నారు.

మ‌రో వైపు ఢిల్లీ క్యాపిట‌ల్స్(RR vs DC IPL 2023) జ‌ట్టులో వార్న‌ర్ బాగానే ఆడుతున్నా మిగ‌తా ఆట‌గాళ్ల ప‌రిస్థితి ఇబ్బందిగా మారింది. స్కిప్ప‌ర్ పైనే ఆ టీమ్ పూర్తిగా ఆధార ప‌డడం ఒకింత మైన‌స్ అని చెప్ప‌క త‌ప్ప‌దు. మొత్తంగా క్రికెట్ ఫ్యాన్స్ ఈ మ్యాచ్ పై ఉత్కంఠ‌తో ఎదురు చూస్తున్నారు.

Also Read : నిరాశ‌కు లోనైన ముద్దుగుమ్మ