12వ బ్రిక్స్ సమావేశం భారత్ ఆతిథ్యం
పర్యావరణ పరిరక్షణపై ప్రత్యేక మీటింగ్
న్యూఢిల్లీ : 12వ బ్రిక్స్) పర్యావరణ మంత్రుల సమావేశానికి భారత్ ఆతిథ్యం ఇవ్వనుంది. ఈ కార్యక్రమం భారత్ యొక్క 2026 బ్రిక్స్ అధ్యక్ష బాధ్యతల ప్రధాన ఇతివృత్తం అయిన స్థితిస్థాపకత, ఆవిష్కరణ, సహకారం మరియు సుస్థిరత కోసం నిర్మాణం అనే అంశంపై జరుగుతుంది. అధ్యక్ష బాధ్యతల్లో భాగంగా బ్రిక్స్ పర్యావరణ వర్కింగ్ గ్రూప్ కింద ప్రత్యేక దృష్టి సారించాల్సిన నాలుగు అంశాలను భారత్ గుర్తించింది. సుస్థిర జీవనశైలిని ప్రోత్సహించడం, అటవీ పెంపకం, అటవీ కార్చిచ్చు నిర్వహణ , విపత్తులను తట్టుకునే సామర్థ్యం; సర్క్యులర్ ఎకానమీ , సాంప్రదాయ జ్ఞానం ఆధారంగా ప్రజల కేంద్రంగా, సమాజ భాగస్వామ్యంతో కూడిన వాతావరణ అనుకూలత చర్యల ద్వారా సహకారాన్ని పెంపొందించడం. ఈ కీలక బ్రిక్స్ సమావేశం ఆగస్టు 18న జరగనుంది ఢిల్లీ వేదికగా. పర్యావరణ మంత్రులు ఈ సమావేశానికి హాజరవుతారు. కేంద్ర పర్యావరణ, అటవీ , వాతావరణ మార్పుల శాఖ మంత్రి భూపేందర్ యాదవ్ అధ్యక్షతన ఈ సమావేశం జరుగుతుంది.
సభ్య దేశాలకు చెందిన మంత్రులు, ఉన్నతాధికారులు, విధాన రూపకర్తలు , నిపుణులు అర్థవంతమైన చర్చలు జరపడానికి, ఏకాభిప్రాయాన్ని సాధించడానికి, పర్యావరణ సహకారాన్ని బలోపేతం చేయడానికి ఇది ఒక వేదికగా నిలుస్తుంది. మంత్రుల సమావేశానికి ముందు ఉన్నతాధికారుల సమావేశం జరుగుతుంది; ఇందులో పర్యావరణ వర్కింగ్ గ్రూప్ , వాతావరణ మార్పులు , సుస్థిర అభివృద్ధికి సంబంధించిన కాంటాక్ట్ గ్రూప్ ప్రాధాన్యతలపై చర్చలు జరుగుతాయి. ఉన్నతాధికారుల సమావేశాలు , వివిధ అంశాలపై జరిగిన చర్చల ఫలితాల పత్రం ఆధారంగా మంత్రుల స్థాయి చర్చలు సాగుతాయి. బ్రిక్స్ పర్యావరణ వర్కింగ్ గ్రూప్ 2015లో మాస్కోలో జరిగిన మొదటి బ్రిక్స్ పర్యావరణ మంత్రుల సమావేశం సందర్భంగా ఏర్పాటు చేయబడింది. ప్రాథమిక పర్యావరణ ప్రాధాన్యతలను పరిష్కరించడానికి, అనుభవాలను మార్చుకోవడానికి, ఉత్తమ విధానాలను పంచుకోవడానికి , సభ్య దేశాల మధ్య సమిష్టి చర్యలను బలోపేతం చేయడానికి బ్రిక్స్ దేశాలకు ఒక వేదికగా దీనిని రూపొందించారు.