82 పైసలు పెరిగిన భార‌తీయ రూపాయి
అమెరికా డాలర్ తో రూ. 94.96కు చేరింది
హైద‌రాబాద్ : ప్రారంభ ట్రేడింగ్‌లో యుఎస్ డాలర్‌తో పోలిస్తే రూపాయి విలువ 82 పైసలు పెరిగి 94.96కు చేరింది. డాలర్ డిమాండ్‌ను ఊహాజనిత లావాదేవీలను నియంత్రించడానికి రిజ‌ర్వ్ బ్యాంక్ ఆఫ్ ఇండియా తీసుకున్న చర్యలు రూపాయికి మద్దతునిచ్చాయి. సెన్సెక్స్ 305 పాయింట్లు లాభపడింది. మంగళవారం ప్రారంభ ట్రేడింగ్‌లో అమెరికా డాలర్‌తో పోలిస్తే రూపాయి విలువ పెరిగింది. చమురు మార్కెటింగ్ కంపెనీల కోసం నిర్దేశిత బ్యాంకుల ద్వారా ప్రత్యేక డాలర్ విండోను ఏర్పాటు చేయడం , కొన్ని విదేశీ మారకపు హెడ్జింగ్ లావాదేవీలకు అధిక వ్యయాలు విధించడం వంటి చర్యలు, స్పాట్ మార్కెట్‌లో డాలర్ డిమాండ్‌ను తగ్గిస్తాయని, రూపాయికి వ్యతిరేకంగా ఊహాజనిత లావాదేవీలను అరికడతాయని ఫారెక్స్ వ్యాపారులు పేర్కొన్నారు. ఇంటర్ బ్యాంక్ ఫారెక్స్ మార్కెట్‌లో, రూపాయి 95.53 వద్ద ప్రారంభమై, ఆ తర్వాత బలపడి 94.96 స్థాయిని తాకింది, తద్వారా మునుపటి ముగింపుతో పోలిస్తే 82 పైసల లాభాన్ని నమోదు చేసింది.
సోమవారం నాడు రూపాయి విలువ 93 పైసలు పెరిగి గత ఆరు నెలల్లోనే అత్యధిక ఏక-రోజు లాభాన్ని నమోదు చేస్తూ యుఎస్ డాలర్‌తో పోలిస్తే 95.78 వద్ద ముగిసింది. ఆర్బీఐ చర్యలు రూపాయికి మద్దతు ఇస్తున్నందున, సమీప కాలంలో యుఎస్ డీ, ఐఎన్ఆర్ మారకం విలువ 95.00–94.80 శ్రేణి వైపు కదులుతుందని తాము ఆశిస్తున్నామ‌ని పేర్కొన్నారు సీఆర్ ఫారెక్స్ అడ్వైజర్స్ ఎండీ అమిత్ పబారీ అన్నారు. రూపాయికి వ్యతిరేకంగా ఊహాజనిత పందాలను అరికట్టడానికి, ఫారెక్స్ డెరివేటివ్స్ లావాదేవీలకు సంబంధించిన నిబంధనలను ఆర్బీఐ మ‌రింత కఠినతరం చేసింది. 2 మిలియన్ డాలర్ల కంటే ఎక్కువ విలువైన డాలర్ కొనుగోళ్లకు 20 శాతం రిజర్వ్‌ను ఏర్పాటు చేయాలని బ్యాంకులను ఆదేశించింది. డెరివేటివ్స్ విభాగంలో ప్రకటించిన మరో చర్యలో రూపాయి తో ముడిపడి ఉంది. గతంలో రద్దు చేయబడిన ఏ విదేశీ మారకపు డెరివేటివ్ ఒప్పందాన్ని వినియోగదారులు తిరిగి బుక్ చేసుకోవడానికి అనుమతించ కూడదని ఆర్బీఐ అధీకృత డీలర్లకు సూచించింది.