ఎస్బీఐ ఐపీఓ కోసం ఒక్కో షేరుకు రూ. 575

ముంబై : భార‌త దేశంలో అతి పెద్ద బ్యాంకు అయిన ఎస్బీఐ కీల‌క ప్ర‌క‌ట‌న చేసింది. స‌ద‌రు బ్యాంకు ఫండ్స్ మేనేజ్‌మెంట్ రూ. 11,693 కోట్ల ఐపీఓ కోసం రూ. 545-574 ధరల శ్రేణిని నిర్ణయించింది. మ్యూచువల్ ఫండ్ నిర్వహణలో ఉన్న ఆస్తుల విలువ పరంగా భారతదేశపు అతిపెద్ద అసెట్ మేనేజర్ అయిన ఈ సంస్థ, 2026లో తన అతిపెద్ద ఐపీఓను జూలై 14న ప్రారంభించనుంది. ఈ ఇష్యూలో ఎస్బీఐ, సంస్థల వాటాల విక్రయం ఉంటుంది. దీనికి సబ్‌స్క్రిప్షన్ మొదలవుతుంది. జూలై 16న ముగుస్తుంది. 10 శాతం వాటా విక్రయంతో కూడిన ఈ ఐపీఓ, భౌగోళిక రాజకీయ ఉద్రిక్తతలు , అస్థిరమైన ఈక్విటీ మార్కెట్ల కారణంగా తక్కువ సంఖ్యలో ఐపీఓలు వచ్చిన 2026 సంవత్సరంలోనే అతిపెద్ద పబ్లిక్ ఇష్యూగా నిలవనుంది.

ఎస్బీఐ ఫండ్స్ మేనేజ్‌మెంట్ మేనేజింగ్ డైరెక్టర్ , సీఈఓ అయిన దేబాశిష్ మిశ్రా, మార్కెట్‌లో అగ్రగామిగా ఉన్న ఈ అసెట్ మేనేజ్‌మెంట్ కంపెనీకి ఈ లిస్టింగ్ ఒక సహజ పరిణామం అని పేర్కొన్నారు. మార్కెట్‌లో అగ్రగామిగా ఉన్న అసెట్ మేనేజ్‌మెంట్ కంపెనీకి ఐపీఓ అనేది ఒక సహజ పరిణామం. ప్రజలకు మరింత చేరువగా ఉండటం మా బాధ్యత. లిస్టింగ్ వల్ల పారదర్శకత, క్రమశిక్షణ , గుర్తింపు పెరుగుతాయి అని మిశ్రా అన్నారు. కంపెనీలో 61.73 శాతం వాటాను కలిగి ఉన్న ఎస్బీఐ 35 ఏళ్లపాటు స‌ద‌రు బ్యాంకు ఫండ్స్ మేనేజ్‌మెంట్‌ను ప్రోత్సహించిన తర్వాత ఇప్పుడు తన పెట్టుబడిలో కొంత భాగాన్ని నగదుగా మార్చుకుంటోంది . వాటాల విక్రయం ద్వారా SBIకి రూ. 7,366.39 కోట్లు , అముండి ఇండియా హోల్డింగ్‌కు రూ. 4,326.51 కోట్లు లభిస్తాయని అంచనా.