Rahul Gandhi : సంజ‌య్ రౌత్ ఆరోగ్యంపై రాహుల్ ఆరా

Rahul Gandhi : ఆర్ఎస్ఎస్ సిద్దాంత‌క‌ర్తగా పేరొందిన వీడీ సావ‌ర్క‌ర్ పై సంచ‌ల‌న కామెంట్స్ చేశారు కాంగ్రెస్ అగ్ర నాయ‌కుడు రాహుల్ గాంధీ. ఆయ‌న చేసిన వ్యాఖ్య‌లు దేశంలో క‌ల‌క‌లం రేపాయి. భార‌త్ జోడో యాత్ర‌లో భాగంగా మ‌హారాష్ట్ర‌లోని అకోలాలో జ‌రిగిన మీడియా స‌మావేశంలో సావ‌ర్క‌ర్ దేశ ద్రోహి అంటూ ఆరోపించారు.

ఇందుకు సంబంధించిన ఆధారాలు కూడా త‌న వ‌ద్ద ఉన్నాయ‌ని ప్ర‌క‌టించారు. దీంతో మ‌రాఠాలో ఇప్ప‌టి వ‌ర‌కు శివ‌సేన‌, ఎన్సీపీ, కాంగ్రెస్ పార్టీలు మ‌హా వికాస్ అఘాడీగా ఏర్ప‌డ్డాయి. శివ‌సేన తిరుగుబాటు అభ్య‌ర్థి ఏక్ నాథ్ షిండే , బీజేపీ క‌లిసి సంయుక్తంగా ప్ర‌భుత్వాన్ని ఏర్పాటు చేశారు.

ఈ త‌రుణంలో శివ‌సేన పార్టీ జాతీయ అధికార ప్ర‌తినిధి సంజ‌య్ రౌత్ సంచ‌ల‌న కామెంట్స్ చేయ‌డం ప్రాధాన్య‌త సంత‌రించుకుంది. ప్ర‌జ‌ల భావోద్వేగాల‌ను రెచ్చ గొట్ట‌డం వ‌ల్ల భార‌తీయ జ‌న‌తా పార్టీ బ‌ల‌ప‌డుతుందే త‌ప్పా ఏమీ ఒర‌గ‌ద‌న్నారు.

ఈ త‌రుణంలో శివ‌సేన‌, కాంగ్రెస్ పార్టీ మ‌ధ్య బంధం తొలిగే ప్ర‌మాదం ఉంద‌ని భావిస్తున్న త‌రుణంలో కీల‌క‌మైన ఫోన్ వ‌చ్చింది. అది ఎవ‌రి నుంచో కాదు భార‌త్ జోడో యాత్ర‌లో బిజీగా ఉన్న రాహుల్ గాంధీ(Rahul Gandhi) నుంచి. ఆ ఫోన్ అందుకున్న వారు ఎవ‌రో కాదు శివ‌సేన ఎంపీ సంజ‌య్ రౌత్ కు.

రాహుల్ గాంధీ ఫోన్ చేసి సంజ‌య్ రౌత్ ఆరోగ్యం ఎలా ఉందంటూ ఆరా తీశారు. ఇది ఊహించ‌ని ప‌రిణామం. ఈ సంద‌ర్భంగా తాను రాహుల్ గాంధీ నుంచి ఫోన్ వ‌స్తుంద‌ని అనుకోలేద‌న్నారు. యాత్ర‌లో బిజీగా ఉంటూ కూడా త‌న ఆరోగ్యం గురించి తెలుసు కోవ‌డం ఆనందంగా ఉంద‌న్నారు.

Also Read : మ‌రాఠా గ‌వ‌ర్న‌ర్ ను వేరే చోటుకు పంపండి